लाडकी बहीण योजनेत महिलांना नोव्हेंबरचा हप्ता देण्यात आला आहे. नोव्हेंबरच्या हप्त्यानंतर आता महिला डिसेंबरच्या हप्त्याची प्रतिक्षा करत आहे. दरम्यान, अशातच आता जानेवारीचा हप्ता कधी दिला जाणार याबाबतदेखील चर्चा होत आहे. नोव्हेंबर आणि डिसेंबरचा हप्ता एकत्र येणार असल्याच्या चर्चा सुरु होत्या. मात्र, महिलांच्या खात्यात फक्त नोव्हेंबरचे १५०० रुपये जमा झाले.

डिसेंबर-जानेवारीचा हप्ता एकत्र येणार? (Ladki Bahin Yojana December-January Installment May Come Together)

नोव्हेंबरचे पैसे जमा झाले आहेत. यानंतर डिसेंबर-जानेवारीचा हप्ता एकत्र येणार का असा प्रश्न विचारला जात आहे. दरम्यान, डिसेंबर-जानेवारीचा हप्ता एकत्र येण्याची शक्यता आहे. १४ जानेवारीला महिलांच्या खात्यात पैसे येऊ शकतात. मकरसंक्रांतीचा मूहूर्त साधत महिलांना खुशखबर दिली जाऊ शकते.

महापालिका निवडणूकीआधी महिलांना मिळणार पैसे (Ladki Bahin Yojana 3000 Rupees Come on Makar Sankranti)

मकरसंक्रांतीसोबतच महापालिका निवडणूकीआधी महिलांच्या खात्यात पैसे येऊ शकतात. महापालिका निवडणुका या १४-१५ जानेवारी रोजी होणार आहेत. त्याआधी महिलांना पैसे दिले जाऊ शकतात. त्यामुळे महिलांना डबल आनंद मिळण्याची शक्यता आहे. दरम्यान, याबाबत कोणतीही अधिकृत घोषणा झालेली नाही.

या महिलांना लाभ होणार बंद

लाडकी बहीण योजनेतून काही महिलांचा लाभ बंद होणार आहे. ज्या महिलांनी केवायसी केले नाही त्यांना योजनेचा लाभ मिळणार आहे. केवायसी करण्याची मुदत संपली आहे. त्यामुळे आता उरलेल्या महिलांना पैसे मिळणार नाही. अजूनही लाखो महिलांनी केवायसी न केल्याची माहिती समोर आली आहे. त्यामुळे या महिलांना प्रत्येक महिन्याला हप्ता मिळणार नाही.