Ladki Bahin Yojana : eKYC ची मुदत वाढली की नाही? लाडक्या बहि‍णींच्या सरकारकडे नजरा, वाचा नवीन अपडेट

लाडकी बहीण योजनेत महिलांना केवायसी करणे अनिवार्य केले आहे. दरम्यान, आता लाडक्या बहि‍णींना केवायसी करण्याची मुदत संपली आहे. केवायसीची मुदत संपल्याने आता उरलेल्या महिलांना केवायसी करता येणार नाही. दरम्यान, अजूनही लाखो महिलांनी केवायसी केले नाही. त्यामुळे केवायसीसाठी मुदतवाढ मिळण्याची शक्यता वर्तवली जात होती. दरम्यान, याबाबत अद्याप कोणतीही घोषणा झालेली नाही.

लाडकीच्या केवायसीसाठी मुदत वाढली की नाही? (Ladki Bahin Yojana KYC Deadline Extended Or Not)

लाडकी बहीण योजनेत केवायसी करण्याची शेवटची तारीख ३१ डिसेंबर २०२५ होती. आता ही मुदत संपून नवीन वर्ष सुरु झाले. अनेक महिलांचे केवायसी झाले नाही. त्यामुळे केवायसीसाठी मुदतवाढ मिळण्याची मागणी केली जात होती. जेणेकरुन महिलांना केवायसी करण्यासाठी अजून वेळ मिळेल. मात्र, सध्या तरी केवायसीसाठी कोणतीही मुदतवाढ देण्यात आलेली नाही.

४५ लाख महिलांचे केवायसी बाकी

लाडकी बहीण योजनेत जवळपास अडीच लाख लाभार्थी महिला आहेत. त्यातील लाखो महिलांनी केवायसी केले नाहीत. जवळपास ४५ लाख महिलांनी केवायसी न केल्याची माहिती समोर आली आहे. त्यामुळे आता डेडलाइन वाढली नाही तर या महिलांचा लाभ बंद होण्याची शक्यता आहे.

लाडकीला नोव्हेंबरचा हप्ता मिळण्यास सुरुवात (Ladki Bahin Yojana November Installment Recieve From Today)

लाडकी बहीण योजनेत महिलांच्या खात्यात नोव्हेंबरचा हप्ता जमा होण्यास सुरुवात झाली आहे. अनेक महिलांना १५०० रुपये मिळाले आहे. काही महिलांना आज पैसे मिळतील. दरम्यान, यामध्ये आता केवायसी न केलेल्या महिलांना पैसे मिळणार की नाही असाही प्रश्न विचारला जात आहे. याबाबत अजूनही कोणती माहिती समोर आलेली नाही.