महाराष्ट्र सरकारने मुख्यमंत्री माझी लाडकी बहीण योजना सुरु केली आहे. या योजनेअंतर्गत महिलांना दर महिन्याला १५०० रुपये दिले जात आहेत. मात्र, आता आचारसंहिता लागू करण्यात आली आहे. त्यामुळे लाडकी बहीण योजनेचे पैसे महिलांच्या खात्यात जमा होणार नाही. पुढच्या महिन्यापर्यंत महिलांच्या खात्यात पैसे जमा होणार नाहीत. त्यामुळे लाडकी बहीण योजनेच्या पुढच्या हप्त्यासाठी महिलांना वाट पाहावी लागणार आहे. (Ladki Bahin Yojana)

लाडकी बहीण योजनेअंतर्गत अर्ज करण्याची शेवटची तारीख १५ ऑक्टोबर होती. त्यामुळे आता तुम्हाला महिलांना योजनेत अर्ज करता येणार नाही. दरम्यान,सध्या आचारसंहिता लागू झाल्यामुळे योजनांचे पैसेदेखील जमा केले जाणार नाहीत. आचारसंहितेच्या काळात मतदारांवर प्रभाव टाकणाऱ्या योजना बंद कराव्यात, अशा सूचना निवडणूक आयोगाने दिल्या आहेत. त्यानंतर महिला आणि बालकल्याण विभागाकडून योजनेसाठी निधी थांबवला आहे.

निवडणुका होईपर्यंत लाडकी बहीण योजनेचे पैसे महिलांना मिळणार नाही. त्यामुळे आता महिलांना पुढच्या हप्त्यासाठी डिसेंबर महिन्याची वाट पाहावी लागणार आहे.सध्या लाडकी बहीण योजनेला तात्पुरती स्थिती मिळाली आहे. (Ladki Bahin Yojana Latest Update)

योजनेला स्थगिती देण्याचे कारण काय?

निवडणूक आयोगाने मतदारांवर प्रभाव टाकणाऱ्या योजना त्वरीत थांबवल्या पाहिजेत,अशा सूचना दिल्या आहे. लाडकी बहीण योजनेअंतर्गत मोठ्या प्रमाणात निधी दिला जात आहे. त्यामुळे या योजनेच्या निधीचे वितरण थांबवण्यास सांगितले आहे. आचारसंहितेमुळे या योजनेला तात्पुरती स्थगिती दिली आहे.