लाडकी बहीण योजनेच्या ऑनलाइन ईकेवायसीसाठी अवघे ४ दिवस उरले आहेत. लाडक्या बहि‍णींना ईकेवायसी करण्यास सांगितले आहे. ज्या महिला केवायसी करणार नाही त्यांचा लाभ कायमचा बंद केला जाईल. या महिलांना यापुढे कधीच पैसे मिळणार नाहीत. दरम्यान, लाडकी बहीण योजनेबाबत महत्त्वाची माहिती समोर आली आहे. लाडकी बहीण योजनेत तब्बल २६ लाख ३४ हजार महिलांनी केवायसी केले नसल्याचे समोर आले आहे.

या महिलांचा लाभ होणार कायमचा बंद (Ladki Bahin Yojana These Women Benefit Stopped)

लाडकी बहीण योजनेत केवायसी न केलेल्या महिलांना वगळण्यात येणार आहे. त्यामुळे २६ लाख महिलांचा लाभ कायमचा बंद होण्याची चिन्हे दिसत आहेत.

लाडकी बहीण योजनेचा महायुती सरकारला फायदा झाला आहे. लाडकी बहीण योजनेचे सुरुवातीला २ कोटी ४७ लाख लाभार्थी होते. यापैकी लाखो लाभार्थी अपात्र होण्याची शक्यता आहे. याआधी अपात्र ठरलेल्या महिलांकडून पैसे परत न घेण्याचा निर्णय सरकारने घेतला ऐहे.

दरम्यान, लाडकी बहीण योजनेबाबत आणखी एक धक्कादायक बातमी समोर आली आहे. १२४१५ महिला सरकारी कर्मचाऱ्यांनी योजनेचा लाभ घेतला आहे. त्यांच्यावर शिस्तभंगाची कारवाई केली जाणार आहे. या कर्मचाऱ्यांकडून सरकार वसूली करणार आहे. चुकीची माहिती देणार, उत्पन्न जास्त असणे, सरकारची फसवणूक करणाऱ्या लाभार्थ्यांकडून १६५ कोटी रुपये लाभ वसूल केले जाणार आहे.

२६ लाख लाडक्या बहि‍णींनी केवायसी केली नाही

लाडकी बहीण योजनेत अद्याप २६ लाख ३४ हजार लाभार्थ्यांनी ईकेवायसी केलेली नाही. त्यांच्याकडे ईकेवायसीसाठी पुरेशी कागदपत्र नाहीत. हे लाभार्थी शेवटच्या ४ दिवसात ही प्रक्रिया पूर्ण करण्याची शक्यता कमी आहे.दरम्यान, एप्रिलनंतर याबाबत माहिती समोर येईल.