Ladki Bahin Yojana: १५०० की ₹३०००; लाडक्या बहिणींना या महिन्यात किती पैसे मिळणार? वाचा अपडेट

लाडकी बहीण योजनेच्या लाभार्थ्यांना अजूनही मार्चचा हप्ता देण्यात आलेला नाही. महिलांच्या खात्यात पैसे कधी जमा होणार याकडे सर्वांचेच लक्ष लागले आहे. दरम्यान, एकीकडे मार्चच्या हप्त्याबाबत प्रश्न विचारले जात आहेत तर दुसरीकडे मार्च आणि एप्रिलचा हप्ता एकत्र येणार असल्याची चर्चा सुरु आहे. दरम्यान, याबाबत अजूनही अधिकृत माहिती समोर आलेली नाही.

लाडक्या बहि‍णींना ₹१५०० की ₹३००० मिळणार? (Ladki Bahin Yojana Women will get 1500 Rupees or Not)

आता एप्रिल महिना संपत आला तरीही महिलांच्या खात्यात मार्चचाच हप्ता जमा झालेला नाही. त्यामुळे महिलांमध्ये नाराजी निर्माण झाली आहे. मार्चचा हप्ता जरी दिला तरीही एप्रिलचा हप्ता कधी येणार असा प्रश्न उद्भवतो. त्यामुळे या महिन्यात महिलांना १५०० रुपये की दोन महिन्याचे ३००० रपये मिळणार याकडे सर्वांचेच लक्ष लागले आहे.

मागच्या अनेक महिन्यांपासून लाडकी बहीण योजनेचा हप्ता लांबणीवर जात आहे. महिलांच्या खात्यात दोन महिन्याचे हप्ते येतील, अशी शक्यता वर्तवण्यात येते. परंतु महिन्याअखेरीस फक्त एकाच महिन्याचे पैसे जमा केले जातात. त्यामुळे या महिन्यात महिलांना नेमके किती पैसे मिळणार याकडे सर्वांचेच लक्ष लागले आहे. याबाबत अधिकृत माहिती लवकरच दिली जाईल.

फक्त या महिलांनाच मिळणार पैसे (Ladki Bahin Yojana These Women will Get Benefit)

लाडकी बहीण योजनेतून आता लाखो महिलांचे अर्ज बाद करण्यात आले आहेत.अनेक महिला निकषात बसत नाही तर लाखो महिलांनी केवायसी केलेली नाही. केवायसीमध्ये अपात्र ठरलेल्या महिलांच्या खात्यात पैसे येणं बंद झाले आहेत. अजूनदेखील अनेक महिला अपात्र होण्याची शक्यता आहे. त्या महिलांना ३० एप्रिलनंतर लाभ मिळणार नाही.