आजपासून दिवाळी सणाला सुरुवात झाली आहे. या शुभ प्रसंगी सोने खरेदी करण्याची परंपरा भारतीय घराघरांतून साजरी केली जाते. या पारंपरिक खरेदीला अधिक आकर्षक बनवण्यासाठी जिओने आपल्या ग्राहकांसाठी खास ऑफर जाहीर केली आहे. कंपनीने जाहीर केले आहे की, १८ ऑक्टोबर ते २३ ऑक्टोबर या कालावधीत ग्राहकांना सोने खरेदीवर २% मोफत सोने देण्यात येणार आहे. तसेच १० लाख रुपयांच्या आकर्षक बक्षिसांची संधीही दिली जाणार आहे.

ही ऑफर फक्त जिओ फायनान्स आणि मायजिओ अॅपद्वारे उपलब्ध आहे. ग्राहक जर ₹२,००० किंवा त्याहून अधिक किमतीचे सोने खरेदी करतील, तर त्यांना २% अतिरिक्त सोने मोफत मिळेल. हे मोफत सोने व्यवहार पूर्ण झाल्यानंतर केवळ ७२ तासांच्या आत त्यांच्या वॉलेटमध्ये जमा केले जाईल. मात्र, जर ग्राहकांनी ₹२०,००० किंवा त्याहून अधिक किमतीचे सोने खरेदी केले, तर त्यांना ‘जिओ गोल्ड मेगा प्राइज ड्रॉ’मध्ये सहभागी होण्याची संधी मिळेल.

या प्राइज ड्रॉमध्ये एकूण १० लाख रुपयांच्या भेटवस्तू दिल्या जाणार आहेत. ज्यात स्मार्टफोन, टीव्ही, सोन्याची नाणी, मिक्सर ग्राइंडर आणि गिफ्ट व्हाउचर अशी आकर्षक बक्षिसे असतील. भाग्यवान विजेत्यांची निवड लॉटरीद्वारे केली जाईल आणि त्यांना ईमेल व एसएमएसद्वारे सूचित केले जाईल.

जिओने या विशेष ऑफरबरोबरच ग्राहकांना फक्त ₹१० पासून सोन्यात गुंतवणूक करण्याची संधी देखील दिली आहे. ज्यामुळे सर्वसामान्य लोकांनाही सोन्याच्या गुंतवणुकीत सहभागी होता येईल. या वर्षी सोन्याच्या किमती सतत वाढत्या मार्गावर आहेत. लग्नसराईचा हंगाम आणि दिवाळीच्या खरेदीचा उत्साह पाहता लवकरात लवकर किमती कमी होण्याची शक्यता कमी दिसते. त्यामुळे ही जिओची ऑफर या सणासुदीच्या काळात सोनं खरेदी करणाऱ्या ग्राहकांसाठी एक सोन्याची संधी ठरू शकते.