आयटीआर फाइल करण्याची शेवटची तारीख उलटून २० दिवस झाले आहेत. दरम्यान, आयटीआर फाइल केल्यानंतर अनेकांच्या खात्यात रिफंड जमा होण्यास सुरुवात झाली आहे. परंतु अजूनही अनेकांच्या खात्यात रिफंडचे पैसे जमा झाले नाहीत. त्यामुळे करदात्यांच्या मनात अनेक प्रश्न निर्माण झाले आहेत. तुम्ही ऑनलाइन वेबसाइटवर जाऊन तुमच्या रिफंडचा स्टेट्‍स चेक करु शकतात.

आयटीआर फाइल करण्याची शेवटची तारीख १६ सप्टेंबर होती. त्यानंतर अनेकांना रिफंड मिळाले आहेत. दरम्यान, रिफंड मिळण्यासाठी साधारणपणे १ महिन्याचा कालावधी लागतो. अनेकांना त्याच दिवशी रिफंड मिळाला आहे. परंतु ज्यांना रिफंड मिळाला नाही असे करदाते टेन्शनमध्ये आहे.

करदाते आयकर विभागाच्या वेबसाइटवर जाऊन रिफंडचा स्टेट्‍स चेक करु शकतात. करदात्यांच्या आयटीआर स्टेट्समध्ये “processed” असं दिसतं.तरीही त्यांना रिफंड मिळालेला नाही.

रिफंड चेक करण्यासाठी काय करावे? (How To Check ITR Refund Status)

सर्वात आधी ई फायलिंग पोर्टलवर जावे.

यानंतर रिफंड किंवा डिमांड सेक्शनवर जावे.

यानंतर तुम्हाला रिफंडमध्ये “processed” असं दिसत असेल आणि तरीही रिफंड जमा झाला नसेल तर पुढे प्रोसेस करा.

यानंतर तुम्ही दिलेला बँक अकाउंट आणि IFSC नंबर बरोबर आहे की नाही हे चेक करा.

जर तुम्ही बँक अकाउंटची माहिती चुकीची दिली असेल तर तुम्हाला रिफंड मिळणार नाही.

रिफंड येण्यास उशिर झाला तर काय करावे?

काही वेळेला तुमच्या टॅक्स क्रेडिट आणि टीडीएसमध्ये काही चुका आढळून आल्या तर तुम्हाला रिफंड येण्यास उशिर येऊ शकतो. जर तुमच्या बँक अकाउंटची माहिती चुकीची असेल तर तुम्हील ई-फायलिंग हेल्पडेस्कला संपर्क साधून याबाबत माहिती देऊ शकतात.