आयटी क्षेत्रातील नावाजलेली इन्फोसिस कंपनी ही नेहमीच चर्चेत असते. कंपनीचे संस्थापक नारायण मूर्ती हे नेहमीच वेगवेगळ्या कारणांमुळे चर्चेत असतात. काही दिवसांपूर्वी त्यांनी आठवड्यात ७२ तास काम करण्याचा सल्ला दिला होता. त्यानंतर सोशल मीडियावर त्यांना खूप ट्रोल करण्यात आले आहेत. दरम्यान, आता यंदा इन्फोसिस कंपनीच्या कर्मचाऱ्यांना चांगली पगारवाढ मिळणार आहे. (Infosys Salary Hike 2025)

इन्फोसिस कंपनीकडून यंदा कर्मचाऱ्यांना ६ ते ८ टक्क्यांची वाढ देण्यात येणार आहे. जानेवारी आणि एप्रिल या दोन टप्प्यांमध्ये ही वेतनवाढ दिली जाणार आहे.

इन्फोसिस कंपनीने यंदा चांगलीच महसूल वाढ नोंदवली होती. कंपनीने आर्थिक वर्षाच्या पहिल्या ३ महिन्यात ११ टक्के महसूल वाढ केली होती. कंपनीने ६,८०६ कोटी रुपयांचा महसूल कमावला आहे. (Salary Hike Of Infosys Employees)

इन्फोसिस कंपनी दोन टप्प्यांमध्ये कर्मचाऱ्यांच्या पगारात वाढ करणार आहे. यात जानेवारीत लेव्हल ५ कर्मचाऱ्यांच्या पगारात वाढ होणार आहे. तर दुसऱ्या टप्प्यात लेव्हल ६ कर्मचाऱ्यांना मार्चपासून वेतनवाढ करण्यात येणार आहे.

लेव्हल ५ मध्ये इंजिनियर, सिनियर इंजिनियर, सिस्टीम इंजिनियरचा समावेश होते. तर लेव्हल ६ मध्ये मॅनेजर, सिनियर मॅनेजर, सिनियर डिलिव्हरी मॅनेजर पदांचा समावेश होतो.

याबाबत इन्फोसिसचे मुख्य वित्तीय अधिकारी जयेश संघराजका यांना माहिती दिली आहे. आम्ही ६-८ टक्क्यांच्या पगारवाढीची अपेक्षा करत आहोत. तर परदेशात मागील वर्षानुसारच वेतनवाढ होणार आहे. त्यामुळे भारतातील कर्मचाऱ्यांच्या पगारात जास्त वाढ होण्याची शक्यता आहे.

काही दिवसांपूर्वी इन्फोसिसचे संस्थापक नारायण मूर्ती यांनी कर्मचाऱ्यांना ७० तास काम करण्याचा सल्ला दिला होता. परंतु यानंतर सोशल मीडियावर त्यांना खूप ट्रोल करण्यात आले होते. दरम्यान, त्यानंतर एल अँड टीचे सीईओ सुब्रमण्यम यांनीदेखील आठवड्यात ९० तास काम करण्याचा सल्ला दिला होता.