भारतीय रेल्वे ही जगातील चौथी सर्वात मोठी रेल्वे व्यवस्था आहे. भारतात दररोज कोट्यवधी लोक रेल्वेने प्रवास करतात. रेल्वेचा प्रवास खूप सोयीस्कर आहे, विशेषतः लांब पल्ल्याच्या प्रवासासाठी रेल्वे उत्तम पर्याय आहे. पण प्रवाशांना तिकीट बुक करताना अनेकदा अडचणी येतात. रेल्वेने तिकीट बुकिंगबाबत काही नियम नव्याने तयार करण्यात आली आहेत.

सर्व प्रवाशांनी हे नियम पाळले पाहिजेत. नुकतेच रेल्वेने नवीन नियम लागू केलेत. यात रेल्वे तिकीट बुकिंगसाठी आधार कार्ड अनिवार्य करण्यात आले आहे. हे नियम १ ऑक्टोबरपासून लागू होतील. याचा ऑनलाइन तिकीट बुकिंग आणि ओव्हर-द-काउंटर तिकीट बुकिंगवर कसा परिणाम होईल ते जाणून घेऊ.

भारतीय रेल्वेने १ जुलैपासून तत्काळ ट्रेन बुकिंगचे नियम बदलले आहेत. आधी फक्त आधार प्रमाणीकरण युझर्सला तत्काळ तिकिटे बुक करण्याची परवानगी होती. पण आता १ ऑक्टोबरपासून, नियमित तिकिटे बुक करण्यासाठी देखील आधार आवश्यक असणार आहे. तिकीट बुकिंग सुरू झाल्यानंतर पहिल्या १५ मिनिटांसाठी, फक्त आधार प्रमाणीकरण युझर तिकिटे बुक करू शकतील.

सकाळी ८ ते ८:१५ दरम्यान ऑनलाइन तिकिटे बुक करण्यासाठी आधार आवश्यक असणार आहे. याचाच अर्थ ज्यांच्या आयआरसीटीसी खात्यांनी आधार प्रमाणीकरण पूर्ण केले आहे, तेच सकाळी ८ ते ८:१५ दरम्यान तिकिटे बुक करू शकतील.

रेल्वे काउंटरवरही आधार आवश्यक आहे का?

नवीन रेल्वे नियमांनुसार, ऑनलाइन तिकीट बुक करताना प्रवाशांना आधार कार्डचा वापर अनिवार्य असेल. पण काउंटरवरून तिकिटे बुक करण्यासाठी आधार आवश्यक नसेल. रेल्वेने याबाबत अद्याप कोणत्याही प्रकारचे ओळखपत्र दाखवणं अनिवार्य केलेले नाहीये. म्हणजेच काउंटरवरून तिकिटे बुक करण्यासाठी तुम्हाला तुमचा आधार किंवा इतर कोणतेही ओळखपत्र दाखवण्याची आवश्यकता नाहीये.