दरवर्षी लाखो करदाते हे आयटीआर फाइल करतात. आयटीआर फाइल केल्यानंतर त्यांना रिफंड मिळतो. दरम्यान, अनेकांना रिफंड मिळाला आहे. अजूनही काही जणांच्या खात्यात रिफंडचे पैसे जमा झाले नाहीत. त्यामुळे करदात्यांच्या मनात अनेक प्रश्न निर्माण झाले आहेत. करदात्यांना रिफंड कधी मिळणार असा प्रश्न विचारत आहेत.

काही करदात्यांना आयटीआर रिटर्न Under Processing दाखवत आहे. तर काहींना Defective Return असं दिसतंय. दरम्यान, अनेक करदात्यांना रिफंड न येण्यामागचे कारण समजले नाही. त्यामुळे अनेकांनी सोशल मीडियावर प्रश्न विचारले आहेत. याचसोत आता काय करावे, असा प्रश्न करदात्यांच्या मनात निर्माण झाला आहे.

सोशल मीडियावर वाढतायत तक्रारी

मागील काही दिवसांपासून टॅक्स रिफंड उशिरा येण्याच्या घटना वाढत आहेत. त्यामुळे अनेक जणांनी रिवाइज्ड रिटर्नदेखील फाइल केले आहेत. यानंतर अनेकांना रिटर्न मिळाले आहेत परंतु काहींना अजूही वाट पाहावी लागतेय.

रिफंड न येण्यामागची कारणे (ITR Refund Delay Reasons)

१ लाखपेक्षा अधिक उत्पन्न असलेल्यांसाठी विभाग अतिरिक्त चौकशी करते. यामुळे प्रोसेसिंगमध्ये उशिर होतो.

ज्या आयटीआरमध्य फॉरेन इन्कम, कॅपिटल गेन किंवा इतर इन्कम सोर्स असेल तर त्याला मॅन्युअल व्हेरिफिकेशनमधून जावे लागते.

कलम १५४ अंतर्गत Defective Return ची नोटीस मिळाल्यानंतर तुम्हाला नवीन आयटीआर फाइल करेपर्यंत रिफंड मिळणार नाही.

जर तुम्ही रिवाइज्ड आयटीआर फाइल केला असेल तर नवीन सिस्टीममध्ये डेटा प्रोसेस होण्यासाठी वेळ लागतो.