यूपीएससी ही देशातील सर्वात अवघड परीक्षा असते. यूपीएससी परीक्षा पास करण्यासाठी खूप मेहनत करावी लागते. दिवस-रात्र एक करुन अभ्यास करावा लागतो. दिवसातील १६-१६ तास अभ्यास करावा लागतो. परंतु आपल्यासमोर अनेक उदाहरणे आहेत ज्यामध्ये अनेकांनी नोकरी सांभाळत यूपीएससी परीक्षा दिली आहे. असंच काहीसं आयएएस नेहा यादव यांनीदेखील केलं. त्यांनी नोकरीसोबत यूपीएससी परीक्षेची तयारी केली आणि २०१८ मध्ये ४१४ रँक प्राप्त केली.

नेहा यांनी यूपीएससी परीक्षा देण्याआधी मेडिकल ऑफिसर पदावर कार्यरत होत्या. त्यांनी नोकरी करता करता यूपीएससी परीक्षेचा अभ्यास केल आणि परीक्षा दिली.

परीक्षेची तयारी (UPSC Preparation Tips)

नेहा यांनी सांगितले की, यूपीएससी (UPSC) परीक्षेचा अभ्यासक्रम पूर्ण करण्यासाठी ६-७ महिने लागले. परंतु अनेकांचा अभ्यासक्रम पूर्ण होत नाही. परंतु तरीही घाबरण्याची किंवा निराश होण्याची गरज नाही. तुमचे जर बेसिक विषय क्लिअर असतील तर तुम्हाला अडचण येणार नाही.

टाइम मॅनेजमेंट (Time Management For UPSC Exam)

नेहा यांनी यूपीएससी परीक्षा क्रॅक करण्यासाठी टाइम मॅनेजमेंटवर लक्ष दिले. नोकरी करताना वेळ काढणे हे खूप कठीण असते. त्यामुळे वेळ वाचवण्यासाठी जे काही शक्य होईल ते करा, असं त्यांनी सांगितले.

नोकरीसोबत अभ्यास केला

नेहा यांची निवड पोस्ट ग्रॅज्युएशनसाठी झाली होती. यावेळी त्यांच्याकडे दोन ऑप्शन होते. एक म्हणजे मेडिकल ऑफिसर आणि दुसरं म्हणजे पोस्ट ग्रॅज्युएशन. त्यांनी यावेळी मेडिकल ऑफिकर हा ऑप्शन निवडला. जेणेकरुन त्या नोकरी करता करता अभ्यासदेखील करु शकतील. परीक्षेआधी एक महिना त्यांनी सुट्टी घेतली होती. या काळात त्यांनी हॉस्टेलमध्ये राहून यूपीएससी परीक्षेचा अभ्यास केला आणि परीक्षा क्रॅक केली.