देशातील सर्वात कठीण परीक्षा म्हणजे यूपीएससी. यूपीएससी परीक्षा पास करण्यासाठी दिवसरात्र एक करावी लागते. अनेकदा अपयश येते परंतु जिद्द असेल तर तुम्ही हे स्वप्न पूर्ण करु शकतात. असंच काहीसं आयएएस मुद्रा गैरोला यांच्यासोबत झालं. त्यांनी मेहनत आणि सातत्यच्या जोरावर आपल्या वडिलांचे स्वप्न पूर्ण केले.

वडिलांचे अपूरं राहिलेलं स्वप्न केलं पूर्ण

मुद्रा गैरोला यांचे वडील अरुल गैरोला यांनी १९७३ मध्ये यूपीएससी परीक्षा दिली. त्यांचे आयएएस होण्याचे स्वप्न होते. मात्र, ते इंटरव्ह्यूमध्ये सिलेक्ट झाले नाही. मात्र, त्यांच्या मनात आयुष्यभर हे स्वप्न तसंच होतं. हेच स्वप्न पूर्ण करण्याची जबाबदारी त्यांच्या लेकीने घेतली आणि त्या आयएएस अधिकारी झाल्या.

मुद्रा या उत्तराखंडच्या चमोली जिल्ह्यातील कर्णप्रयागच्या आहेत. त्या लहानपणापासूनच अभ्यासात खूप हुशार होत्या. त्यांना दहावीत ९६ टक्के गुण मिळाले होते. १२वीच्या परीक्षेत ९७ टक्के मिळाले होते. त्यांना भारतातील पहिल्या महिला आयपीएस किरण बेदी यांच्या हस्ते शाळेत सन्मानित केले होते.

मेडिकलचे शिक्षण अर्धवट सोडले

शालेय शिक्षण पूर्ण झाल्यानंतर मुद्रा यांनी मुंबईत मेडिकल कॉलेजमध्ये बॅचलर ऑफ डेंटल सर्जरीमध्ये अॅडमिशन घेतले. त्यांनी गोल्ड मेडलदेखील जिंकले होते. यानंतर त्यांनी एमडीएसमध्ये अॅडमिशन घेतले. मात्र, याच काळात त्यांच्या वडिलांचे त्यांचे स्वप्न आठवले आणि त्यांनी लेकीला ते सांगितले. याचमुळे मुद्रा यांनी मेडिकलचे शिक्षण अर्धवट सोडले आणि यूपीएससी परीक्षेची तयारी सुरु केली.

मुद्रा यांचा हा प्रवास सोपा नव्हता. त्यांनी २०१८ मघ्ये पहिल्यांचा परीक्षा दिली. मात्र,त्यांचे सिलेक्शन झाले नाही. त्यानी २०१९ मध्ये पुन्हा परीक्षा दिली. तरीही त्यांचे सिलेक्शन झाले. तिसऱ्यांदा २०२० मध्येही त्यांचे सिलेक्शन झाले. २०२१ मध्ये त्यांचे आयपीएस पदावर सिलेक्शन झाले. मात्र, त्यांचे आयएएस होण्याचे स्वप्न होते. त्यामुळे त्यांनी पुन्हा २०२२ मध्ये परीक्षा दिली आणि ऑल इंडिया रँक ५३ प्राप्त केली. त्यानंतर त्या आयएएस अधिकारी झाल्या.