प्रत्येकाच्या आयुष्यात काही न काही संघर्ष असतो. अनेकदा परिस्थिती वाईट असते. परंतु कितीही काहीही झालं तरीही आपण हार मानायची नसते. असंच काहीसं सी वनमथी यांनी केलं. घरची आर्थिक परिस्थिती बेताची, लहानपणी गाई गुरांना चरायला घेऊन जायच्या. तरीही खूप मेहनतीने शिक्षण घेतले. त्यांनी आपल्या कुटुंबाचे नाव मोठे केले. अनेक कठीण परिस्थितीचा सामना करावा लागला. त्यांचे बालपण हे खूप कठीण परिस्थितीतून गेले. परंतु तरीही त्यांनी हार मानली नाही.

सी वनमथी यांच्या वडिलांनी कॅब चालवून घराचा खर्च उचलला. ते आर्थिकदृष्ट्या कमजोर होत्या. परंतु तरीही त्यांनी मुलीच्या शिक्षणात कोणतीही कसर सोडली नाही. आपली मुलगी मोठी होऊन अधिकारी व्हावी, असं त्यांचं स्वप्न होतं. आईवडिलांचे हे स्वप्न पूर्ण करण्यासाठी त्यांनी खूप मेहनत घेतली.

सी वनमथी या मूळच्या तामिळनाडूच्या रहिवासी.त्या अशा समाजातून येतात की जिथे मुलींच्या शिक्षणाला काही खास महत्त्व नव्हते. मुलींचे थेट लग्न करुन दिले जायचे. परंतु सी वनमथी यांनी या सर्व गोष्टी सोडून खूप मेहनत घेतली. त्यांनी आपली परिस्थिती बदलण्याचा निर्णय घेतला.

लहानपणी त्या घरातील कामे करायचे. याचसोबत गाई गुरांना चरायला घेऊन जायच्या. परंतु असं असतानाही याचा कोणताही वाईट परिणाम त्यांच्या शिक्षणावर झाला नाही. कुटुंबाने त्यांच्यावर लग्न करण्यासाठी दबाव टाकला होता. परंतु तरीही त्यांनी बार मानली नाही. त्यांनी ग्रॅज्युएशनसोबत स्पर्धा परीक्षेची तयारी केली.

सी वनमथी यांनी अधिकारी होण्याचे स्वप्न पाहिले आणि ते पूर्ण करण्यासाठी दिवसरात्र एक केला. त्यांनी कधीच हार मानली नाही. त्यांनी २०१५ मध्ये यूपीएससी परीक्षा पास केली. यूपीएससी परीक्षेत त्यांनी १५२ रँक प्राप्त केली होती.