लग्न हा प्रत्येकासाठी खूप महत्त्वाचा क्षण असतो. अनेक जण मोठ्या थाटामाटात लग्न करतात तर अनेकजण रजिस्टर मॅरेज करतात. लग्न कितीही थाटामाटात केलं तरीही ते रजिस्टर करावं लागतं. तुमचं लग्न कायदेशीर पद्धतीने रजिस्टर करणे गरजेचे आहे. त्यासाठी मॅरेज सर्टिफिकेट बनवणे गरजेचे आहे. यासाठी आता तुम्हाला ग्रामपंचायतीच्या फेऱ्या मारण्याची गरज नाही. तुम्ही घरबसल्या मॅरेज सर्टिफिकेट काढू शकतात. त्यासाठी तुम्हाला काही कागदपत्रे आवश्यक आहे. मोबाईल अॅपवरुन तुम्ही अर्ज करु शकतात.

ऑनलाइन पद्धतीने मॅरेज सर्टिफिकेट काढणे सोपे आहे. यासाठी तुम्हाला महाग्राम सिटिजन कनेक्ट हा अॅप डाउनलोड करायचा आहे. त्यानंतर साध्या पद्धतीने फॉर्म भरुन तुम्ही तुमचे लग्न कायदेशीर पद्धतीने रजिस्टर करावेत.

ऑनलाइन मॅरेज सर्टिफिकेट कसं तयार करावं?

• सर्वप्रथम Mahaegram Citizen Connect अॅप तुमच्या मोबाइलमध्ये डाउनलोड करा. त्यानंतर लॉग इन करा. यानंतर तुमचं अकाउंट तयार होईल. अकाउंट तयार करण्यासाठी नाव, जन्म तारीख, मोबाईल नंबर, ई- मेल आयडी ही माहिती भरावी.

• यानंतर तुमच्या रजिस्टर मोबाईल नंबरवर एक मेसेज येईल.यात तुमचा युजर आयडी आणि पासवर्ड देण्यात येईल. तुमचा मोबाईल नंबर तुमचा युजर आयडी असेल.त्यानंतर लॉग इन करा.

• यानंतर तुमच्या समोर अॅपचा डॅशबोर्ड असेल. त्यावर तुम्हाला विवाह नोंदणी हा पर्याय दिसेल. त्यावर क्लिक करा.

• विवाह नोंदणी अर्जावर क्लिक केल्यानंतर तुम्हाला नवरा आणि नवरीची सर्व माहिती भरायची आहे. तसेच विवाहाचे ठिकाण,वेळ याची माहिती द्यायची आहे. यानंतर तुम्हाला तुमचे आधार कार्ड, रेशन कार्ड अशी महत्त्वाची कागदपत्रे अपलोड करायची आहेत.

• यानंतर तुमच्या लग्नाला उपस्थित असलेल्या साक्षीदारांची काही महत्त्वाची माहिती आणि कागदपत्रे अपलोड करायची आहेत.

• यानंतर तुमची लग्नपत्रिका, लग्नाचे फोटो असे सर्व पुरावे अपलोड करायचे आहेत.यानंतर अर्ज सबमिट करायचा आहे.

• यानंतर तुमच्यासमोर अर्ज क्रमांक मिळेल. हा अर्ज क्रमांक घेऊन तुम्हाला तुमच्या ग्रामपंचायतीत घेऊन जायचा आहे. तिथे तुमच्या कागदपत्रांची पडताळणी केली जाईल. यानंतर तुम्हाला तुमचं मॅरेज सर्टिफिकेट मिळेल.