केंद्र सरकारने अनेक योजना राबवल्या आहेत. यातील अनेक योजनांमध्ये तरुणांना स्वतः चा व्यवसाय सुरु करण्यासाठी प्रोत्साहन दिले जाते. सरकारने अशीच एक योजना राबवली आहे. या योजनेअंतर्गत सरकार तुम्हाला स्वतः चा व्यवसाय सुरु करण्यासाठी कर्ज देते. लघु, मध्यम उद्योगांना प्रोत्साहन देण्यासाठी ही योजना सुरु केली आहे. फेब्रुवारी महिन्यात अर्थसंकल्पात निर्मला सितारामन यांनी ही घोषणा केली होती.

ME कार्ड आहे तरी काय? (What Is ME Card)

आता ही योजना लाँच केली आहे. अर्थमंत्री निर्मला सितारामन यांनी उद्यम या पोर्टलवर लहान उद्योगांसाठी एमई कार्ड ही योजना सुरु केली आहे. अर्थमंत्र्‍यांनी याबाबत सांगितले होते की, या कार्डची कमाल मर्यादा ५ लाख रुपये असेल. पहिल्या वर्षी १० लाख तरुणांना एमई कार्ड दिले जातील. लहान व्यवसायांना भांडवल देणे आणि बँकांकडून कर्ज मिळवण्याची प्रोसेस सुलभ करणे हे यामागचे उद्दिष्ट आहे. (ME Card)

डिजिटल पेमेंटला चालना

अर्थ मंत्रालयाने सांगितले की, एमई कार्डमुळे लहान आणि मध्यम उद्योगांना भांडवल मिळणार आहे. हे कार्ड डिजिटल पेमेंटला प्रोत्साहन देईल. हे कार्ड यूपीआय आणि राष्ट्रीय क्रेडिट गॅरंटी प्लॅटफॉर्मशी जोडले जाणार आहे. यामध्ये क्रेडिट गॅरंटी कव्हर कोटींवरुन १० कोटींपर्यंत वाढवली जाणार आहे. पुढील पाच वर्षात लघु आणि मध्यम उद्योगांना १.५ लाख कोटी अतिरिक्त कर्ज मिळण्याची अपेक्षा आहे.

निर्यात क्रेंदित एमएसएमई युनिटला २० कोटींपर्यंत कर्जाची सुविधा उपलब्ध असणार आहे. यामुळे निर्यातीत आणखी वाढ होईल. गुंतवणूक आणि टर्नओव्हरदेखील वाढेल. यामुळे स्वतः चा व्यवसाय सुरु करण्यासाठी प्रोत्साहन मिळेल.