सरकारी कर्मचाऱ्यांसाठी २०२६ हे वर्ष खूप चांगले असणार आहे. कर्मचाऱ्यांसाठी आठवा वेतन आयोग लागू होणार आहे. यामुळे लाखो कर्मचाऱ्यांना फायदा होणार आहे. दरम्यान, त्याआधीच आता महागाई भत्त्यात वाढ होण्याची शक्यता आहे. महागाईची नवीन आकडेवारी समोर आली आहे. त्यामुळे यावेळी पगार आणि पेन्शनमध्ये लक्षणीय वाढ होण्याची शक्यता आहे. याचसोबत आठवा वेतन आयोग लागू करण्याबाबत हालचालींना वेग मिळाला आहे.

सरकारी कर्मचाऱ्यांसाठी महागाई भत्त्याबाबत एक मोठी अपडेट आली आहे. ग्राहक किंमत निर्देशांक म्हणजे AICPI-IW मध्ये वाढ झाली आहे. नोव्हेंबरमध्ये ०.५ अंकांची वाढ झाली. यामुळे एकूण रेट १४८.२ वर पोहचला आहे. गेल्या पाच महिन्यापासून महागाई निर्देशांक वाढत आहे. त्यामुळे यावेळी महागाई भत्ता चांगला वाढण्याची शक्यता आहे.

याचाच अर्थ असा की, जानेवारी २०२६ मध्ये महागाई भत्ता ५८ टक्क्यांवरुन ६० टक्के होऊ शकतो. जर डिसेंबरचाही डेटा वाढलेला आला तर पगारात चांगली वाढ होईल. याबाबतचा निर्णय सरकार घेईल. वर्षातून दोनदा महागाई भत्ता वाढवला जातो. जानेवारी आणि जुलै महिन्यात महागाई भत्त्यात वाढ केली जाते.

सरकार दर सहा महिन्यांनी महागाई भत्त्याचा आढावा घेते. याआधारे डीए आणि पेन्शनधारकांसाठी डीआर निश्चित करते. सध्याचा डेटा हा जुलै ते नोव्हेंबरचा आहे. यामुळे जानेवारीपासून जो महागाई भत्ता लागू केला जाईल तो डिसेंबरच्या डेटावर अवलंबून असेल.