8th Pay Commission: आठवा वेतन आयोग कधी लागू होणार? सरकारने दिली महत्त्वाची माहिती

सरकारी कर्मचाऱ्यांसाठी महत्त्वाची बातमी आहे. केंद्रीय कर्मचारी आठव्या वेतन आयोगाची वाट पाहत आहे. नवीन वर्षापासून आठवा वेतन आयोग लागू होणार आहे. मात्र, खरंच जानेवारी २०२६ पासून पगारवाढ कर्मचाऱ्यांना मिळणार आहे का असा प्रश्न विचारला जात आहे.

आठव्या वेतन आयोगासाठी टर्म्स ऑफ रेफरन्स जारी केले आहेत. मात्र, हा वेतन आयोग कधी लागू होणार याबाबत कोणताही निर्णय झालेला नाही. आठव्या वेतन आयोगामुळे जवळपास ५० लाख कर्मचारी आणि ६९ लाख पेन्शनधारकांना फायदा होणार आहे. दरम्यान, हा वेतन आयोग नक्की कधी लागू होणार याबाबत सरकारने माहिती दिली आहे.

आठवा वेतन आयोग कधी लागू होणार? (When Will 8th Pay Commission Implemented)

संसदेत आठव्या वेतन आयोगाबाबत प्रश्न विचारण्यात आला होता. यावर मंत्री पंकज चौधरी यांनी माहिती दिली होती. आठव्या वेतन आयोगाची तारीख अजूनपर्यंत निश्चित नाहीये. ३ नोव्हेंबर रोजी टर्म्स ऑफ रेफरन्स जारी करण्यात आले आहे. याचा रिपोर्ट १८ महिन्यात दिला जाणार आहे. त्यानंतर वेतन आयोग लागू होईल.

महगाई भत्ता आणि बेसिक सॅलरी एकत्र करण्याचा प्लान

गेल्या अनेक दिवसांपासून बेसिक सॅलरीत महागाई भत्ता आणि DR जोडणार असल्याची चर्चा होती. मात्र, सध्या तरी याबाबत कोणताही प्रस्ताव नाही असं सांगण्यात आले आहे. मंत्र्‍यांनी दिलेल्या माहितीनुसार, DA आणि DR दर सहा महिन्यांनी वाढवला जातो. हा AICPI-IW इंडेक्सवर आधारिक असतो. सध्या डीए आणि डीआर हा ५५ टक्के आहे.

वेतन आयोग उशिराने लागू होण्याचे कारण (Why 8th Pay Commission Implementation Delay)

आठव्या वेतन आयोगाची घोषणा जानेवारी २०२५ मध्ये झाली होती. दरम्यान, त्यानंतर ९ महिन्यांनी टर्म्स ऑफ रेफरन्स जारी केले. यानंतर १८ महिन्यात रिपोर्ट दिला जाणार आहे. यानंतर नवीन सॅलरी स्ट्रक्चर तयार केले जाणार आहे. सरकारची मंजुरी मिळाल्यानंतर प्रत्यक्ष पगार वाढवून दिला जाणार आहे. त्यामुळेच आठवा वेतन आयोग लागू होण्यास उशिर होणार आहे.