8th Pay Commission: केंद्रीय कर्मचाऱ्यांसाठी महत्त्वाची अपडेट! नवीन वर्षात सरकारी कर्मचारी आणि पेन्शनधारकांसाठी काय बदलणार?

केंद्रीय कर्मचाऱ्यांना आठवा वेतन आयोग २०२६ पासून लागू होणार आहे. आठवा वेतन आयोग लागू झाल्यावर लाखो कर्मचारी आणि पेन्शनधारकांना फायदा होणार आहे. दरम्यान हा वेतन आयोग जरी जानेवारी २०२६ पासून लागू होणार असला तरी त्याअंतर्गत येणारी पगारवाढ येण्यास उशिर होणार आहे.

आठव्या वेतन आयोगासाठी समिती स्थापन करण्यात आली आहे. ही समिती शिफारसी सादर करणार आहे. या शिफारसी सादर करण्यासाठी १८ महिन्यांचा कालावधी दिला आहे. या शिफारसी सादर झाल्यानंतर केंद्राची मंजुरी मिळाल्यानंतर कर्मचाऱ्यांचा पगार वाढणार आहे.

केंद्र सरकारने २८ ऑक्टोबर २०२५ मध्ये आठव्या वेतन आयोगासाठी समिती स्थापन केली. त्यानंतर कामाला सुरुवात झाली. दर १० वर्षांनी नवीन वेतन आयोग लागू केला जातो. सातवा वेतन आयोग २०१६ मध्ये लागू झाला होता. त्यानंतर आता आठवा वेतन आयोग २०२६ मध्ये लागू होणार आहे.

आठव्या वेतन आयोगाअंतर्गत कर्मचाऱ्यांना कधीपासून मिळणार पगार? (8th Pay Commission Salary Date)

आठवा वेतन आयोगासाठी शिफारसी सादर करण्यासाठी १८ महिन्याचा कालावधी दिला आहे. त्यामुळे हा रिपोर्ट २०२७ मध्ये येईल. त्यानंतर २०२८ मध्ये कर्मचाऱ्यांचा पगार वाढला जाऊ शकतो. या नवीन वेतन योगाचा फायदा ५० लाख केंद्रीय कर्मचारी तर ६९ लाख पेन्शनधारकांना होणार आहे. यामुळे सॅलरी, पगार आणि इतर भत्तेदेखील वाढणार आहे.

पगार कितीने वाढणार? (8th Pay Commission salary Hike)

आठव्या वेतन आयोगात कर्मचाऱ्यांचा पगार कितीने वाढणार हे फिटमेंट फॅक्टरवर अवलंबून असते. फिटमेंट फॅक्टर २.५ ते ३.० होण्याची शक्यता आहे. यामुळे बेसिक सॅलरी २० ते ३५ टक्के वाढण्याची शक्यता आहे.