8th Pay Commission: कामाची बातमी! आठव्या वेतन आयोगात फिटमेंट फॅक्टर किती होणार? तुमचा पगार किती वाढणार? वाचा कॅल्क्युलेशन

केंद्र सरकारने आठव्या वेतन आयोगाच्या स्थापनेची सुरुवात झाली आहे. आठव्या वेतन आयोगात कर्मचारी, पेन्शनधारकांच्या पगारात किती वाढ होणार, याबाबत चर्चा सुरु आहे. दरम्यान, फिटमेंट फॅक्टरवर कर्मचाऱ्यांचा पगार ठरवला जातो. यानुसार पगार आणि पेन्शनमध्ये किती वाढ होणार हे निश्चित केले जाते. दरम्यान हा फिटमेंट फॅक्टर काय असतो, कसा ठरवतात याबाबत सविस्तर माहिती जाणून घ्या.

फिटमेंट फॅक्टर कसा ठरवला जातो? (How Fitmet Factor Decide Under 8th Pay Commission)

फिटमेंट फॅक्टर आर्थिक आणि प्रशासकीय घटकांचा विचार करुन निश्चित केला जातो.यामध्ये महागाई, CPI और CPI-IW इंडेक्स, सरकारी बजेट, वेतनासाठी लागणारा खर्च या सर्व गोष्टींचा विचार करुन फिटमेंट फॅक्टर निश्चित केला जातो.सॅलरी स्ट्रक्चर संतुलित ठेवणे आणि कर्मचाऱ्यांना योग्य पगारवाढ देणे, हा यामागचा उद्देश आहे.

फिटमेंट फॅक्टर

मागील आयोगांच्या फिटमेंट फॅक्टरमध्ये अनेक बदल झाले आहेत. सहाव्या वेतन आयोगाने सुरुवातीला १.७४ चा फॅक्टर सुचवला होता. परंतु कर्मचाऱ्यांच्या मागणीनंतर हा फिटमेंट फॅक्टर १.८६ करण्यात आला. ७ व्या वेतन आयोगात फिटमेंट फॅक्टर २.५७ करण्यात आला आहे. यामध्ये महागाई भत्त्याचा समावेश करण्यात येणार आहे.

फिटमेंट फॅक्टरचा फॉर्म्युला काय? (Fitment Factor Formula)

आठव्या वेतन आयोगातील सर्व स्तरांसाठी फिटमेंट फॅक्टर सारखाच राहण्याची शक्यता आहे. वेगवेगळ्या स्तरांवर रेशनलायझेशन इंडेक्स बदलतो, फिटमेंट फॅक्टर त्यानुसार बदलतो. वेतन आयोगाच्या शिफारसी लागू केल्या जात नाही. त्यामध्ये मंत्रिमंडळाच्या आर्थिक परिस्थिती आणि प्राधान्यक्रमांवर फिटमेंट फॅक्टर वाढू किंवा कमी केला जाऊ शकतो.

तुमच्या पगारावर किती परिणाम होणार?

जर एखाद्या कर्मचाऱ्याचा मूळ पगार १८,००० असेल तर १.८३ च्या फिटमेंट फॅक्टरनुसार तो ३२,९४० होऊ शकतो. २,४६ च्या फिटमेंट फॅक्टरनुसार ४४,२८० होऊ शकतो. ज्यांचा मूळ वेतन ५०,००० असेल तर मूळ वेतन १.८३ फिटमेंट फॅक्टरनुसार ९१,५०० होऊ शकतो. २.४६ नुसार १,२३,००० होऊ शकतो.