प्रत्येक कर्मचाऱ्याचे पीएफ अकाउंट हे असतेच. देशातील कोट्यवधी कर्मचाऱ्यांचे पीएफ अकाउंट असते. पीएफमध्ये दर महिन्याला कर्मचाऱ्याच्या पगारातून ठरावीक रक्कम जमा करतात. तेवढीच रक्कम कंपनीदेखील पीएफ अकाउंटमध्ये जमा करतात. पीएफ खातेधारकांसाठी एक आंदाची बातमी आहे. आता पीएप अकाउंटमधून पैसे काढणे अधिक सोपे होणार आहे. (EPFO Update)

आता पीएफचे पैसे काढण्यासाठी बँकेच्या फेऱ्या मारण्याची गरज नाही. तुम्ही घबसल्या यूपीआयच्या माध्यमातून पैसे काढू शकतात. सरकार सध्या यावर काम करत आहे. लवकरच अशी सुविधा कर्मचाऱ्यांसाठी सुरु होणार आहे. त्यानंतर पीएफ खातेधारक क्लेम कोणत्याही यूपीआय प्लॅटफॉर्मवरुन प्रोसेस करु शकतात.

मिडिया रिपोर्टनुसार, पीएफची ही नवीन सिस्टीम पुढच्या तीन महिन्यात सुरु होऊ शकते. ही ट्रान्झॅक्शन सेवा आणि क्लेम प्रोसेस अधिक चांगली बनवण्यासाठी हा निर्णय घेण्यात आला आहे.

UPI मधून काढता येणार पैसे (PF Money Withdraw Through UPI)

यूपीआयच्या माध्यमातून पीएफचे पैसे काढण्याच्या या सुविधेमुळे जलद आणि सोप्या पद्धतीने काम होणार आहे. हे नवीन फीचर गूगल पे, फोन पे आणि पेटीएम या यूपीआय प्लॅटफॉर्मवर उपलब्ध केले जाणार आहे. यामुळे जर कोणत्याही आप्तकालीन परिस्थितीत पीएफचे पैसे काढायचे असेल तर त्यांचे काम खूप सोपे आणि जलद होणार आहे.

मिडिया रिपोर्टनुसार, रजिस्ट्रेशन पूर्ण झाल्यानंतर यूजर्स डिजिटल वॉलेटमधून सहज पैसे ट्रान्सफर करु शकणार आहेत. यामुळे प्रोसेसिंगला कमी वेळ लागणार आहे. यामुळे बँकिंग डिटेल्स आणि वेरिफिकेशनची प्रक्रिया कमी होणार आहे. ईपीएफओ खातेधारक थेट डिजिटल पेमेंट अॅपवरुन पैसे काढू शकणार आहेत. ही सुविधा लवकरात लवकर आणू शकतात.