Kalyan: दगडाने हल्ला चढवला अन् मग लुटले पैसे, दोघांचा भाजी विक्रेत्यावर हल्ला; कल्याण हादरलं

अभिजीत देशमुख, साम टीव्ही

कल्याणमध्ये गुन्हेगारांच्या प्रकरणांमध्ये वाढ झाली आहे. अशातच कल्याणमध्ये आणखी एक धक्कादायक घटना घडली आहे. कल्याण पूर्व-पश्चिम जोडणाऱ्या स्कायवॉकवर दोन चोरट्यांनी हल्ला चढवला आहे. दोन चोरट्यांनी दगडाने हल्ला करत भाजी विक्रत्याला दगडाने ठेचून रोकड लुबाडले आहे. या प्रकरणी कोळसेवाडी पोलीस ठाण्यात गुन्हा दाखल करण्यात आलाय. तसेच सीसीटीव्ही फुटेजच्या आधारे पोलीस चोरट्यांचा शोध घेत आहेत.

कल्याण पूर्व-पश्चिम जोडणाऱ्या स्कायवॉकवर हाणामारीची घटना घडली आहे. दोन चोरट्यांनी दगडाने हल्ला करत भाजी विक्रेत्याचा मोबाईल आणि रोकड लुबाडल्याची घटना घडली आहे. सुरेश सिंह असे पीडित भाजी विक्रेत्याचं नाव आहे. भाजीविक्रीसाठी भाजी घेण्यासाठी सुरेश २० फेब्रुवारीला कल्याण पूर्व येथून स्कायवॉकवरून कल्याण रेल्वे स्टेशनच्या दिशेने जात होते.

याचदरम्यान दोन चोरट्यानी त्यांना हटकले. सुरेश यांना दगडाने मारहाण करत त्यांच्याजवळील मोबाईल आणि सहा हजार रुपये लुबाडून पळ काढला. या घटनेत सुरेश गंभीर जखमी झाले आहेत. त्यांच्यावर खाजगी रुग्णालयात उपचार सुरू आहेत. या प्रकरणानंतर कल्याण कोळशेवाडी पोलीस ठाण्यात गुन्हा दाखल करण्यात आला आहे.

तसेच सीसीटीव्ही फुटेजच्या आधारे पोलीस चोरट्यांचा शोध सुरू आहे. या स्कायवॉकवरून दररोज हजारो प्रवासी ये जा करत असतात. या घटनेमुळे प्रवाशांमध्ये भीतीचे वातावरण पसरले आहे.