gold rate today Jalgaon Mumbai Pune Delhi : लग्नसराईतला सुरूवात झाली आहे. त्यातच आता सोन्याच्या दरातही मागील आठवडाभरापासून सातत्याने घट झाल्याने लग्नसराईत ग्राहकांना मोठा दिलासा मिळालाय. बुधवारी सराफा बाजार उघडताच पुन्हा एखादा सोन्याच्या दरात घसरण पाहायला मिळाली, त्याशिवाय चांदीचे दरही कमी झाले. जळगाव, मुंबई, पुण्यापासून दिल्ली, चेन्नई आणि कोलकात्यामध्येही सोन्याच्या दरात मोठी घसरण झाल्याचे समोर आलेय. आज प्रति ग्रॅम सोन्याची किंमत ७१ रूपयांनी कमी झाली आहे.म्हणजे, प्रतितोळा सोनं ७०० रूपयांनी स्वस्त झाले आहे.

लग्नसराईत सोन्याची खरेदी मोठ्या प्रमाणात केली जाते. त्यातच गेल्या काही दिवसांपासून सोन्याच्या दराने नवे उच्चांक गाठले होते. त्यामुळे लग्नात सोने खरेदी करायचे की नाही? असा सवाल सर्वसामान्यांना पडत होता. पण आता पुन्हा एकदा सोन्याच्या किंमतीत घसरण होत असल्याचे पाहायला मिळत आहेत. आजचा बाजार उघडताच सोन्याच्या दरात घसरण पाहायला मिळाली. प्रति ग्रॅम ७१ रूपयांनी सोनं घसरले. तर चांदीच्या दरात प्रति किलो ३ हजार रूपयांची घसरण पाहायला मिळाली.

भारतात सोन्याचे दर -

भारातमध्ये २४ कॅरेट सोन्याचा दर प्रति ग्रॅम १२२४६ रूपये इतका आहे. मंगळवारी याची किंमत १२३१७ रूपये इतकी होती. मंगळवारच्या तुलनेत प्रति १० ग्रॅम सोन्याची किंमत ७१ रूपये स्वस्त झालेय. २२ कॅरेट सोन्याची किंमत प्रति ग्रॅम ६५ रूपयांनी तर १८ कॅरेट सोन्याची किंमत प्रति ग्रॅम ५४ रूपयांनी घसरली आहे.

भारतात चांदीचे दर काय ?

गेल्या काही दिवसांत सोन्याप्रमाणेच चांदीचे दरानेही इतिहास रचला होता. पण आता चांदीच्या दरातही घसरण सुरू झाली आहे. भारतात आज चांदीचे दर प्रति किलो १५१००० रूपये इतकी झाली आहे. मंगळवारी, चांदीची किंमत १५४००० रूपये इतकी होती. म्हणचे, एका दिवसात ३ हजार रूपयांनी चांदी स्वस्त झाले आहे.

जळगावात मंगळवारी सोने ५१५ रूपयांनी स्वस्त, लवकरच तेजीचा अंदाज

जळगावच्या सराफा बाजारात आठवड्याच्या पहिल्या दिवशी, १०३ रुपयांनी वाढलेले सोने दुसऱ्या दिवशी ५१५ रुपयांनी घसरले. मंगळवारी सोन्याचा प्रती तोळ्याचा दर १,२४, २१८ रुपयांवर स्थिरावला.गेल्या शुक्रवारी सोने अवघ्या २०६ रुपयांनी वाढून १,२४,६३०० रुपयांवर पोहोचले होते. सोमवारी आठवड्याची सुरुवात तेजीने झाली. सोने १०३ रुपयांनी वाढून १,२४,७३३ रुपयांवर आले, त्यानंतर मंगळवारी ५१५ रुपयांनी घसरून १,२४,२१८ रुपये तोळ्यावर आले. दरम्यान,ही घसरण किरकोळ असल्याचे व्यावसायिकांचे म्हणणे आहे. तर चांदी दोन दिवसांपासून १,५६,५६० रुपये किलो आहे.ट्रम्प टेरीफमुळे यंदा २१ एप्रिल रोजी पहिल्यांदा सोने १ लाखांवर गेले त्यानंतर सोने-चांदीचे दर दिवसेंदिवस दराचा विक्रम गाठत आहे. दिवाळीच्या सुरुवातीलाच सोने १३५१३६ चा सर्वकालिन उच्चांकावर पोहोचले होते तर चांदीनेही सोन्याला मागे टाकत १५ ऑक्टोबरलाच १,९०,५५० रुपये किलोच्या विक्रमी दरावर पोहोचले होते. त्यानंतर दरात घसरण झाली असली तरी तेजीची अंदाज वर्तवण्यात आला आहे.