Pune : ऊसाच्या शेतात लपलेला नरभक्षक बिबट्या शार्पशूटरकडून ठार, शिरूरमध्ये तिघांचा घेतला होता जीव

Pune Shirur bibtya dead News: पुण्यातील शिरूर तालुक्यातील पिंपरखेड गावात दहशत निर्माण करणाऱ्या नरभक्षक बिबट्याला अखेर वनविभागाने ठार केले आहे. गेल्या पंधरा ते वीस दिवसांत या बिबट्याने दोन लहान मुलांसह तिघांचा बळी घेतल्याने ग्रामस्थांमध्ये प्रचंड संतापाचे आणि भीतीचे वातावरण होते. 'उत्तर पुणे भागामध्येही बिबट्यांची संख्या बाराशेहून अधिक असल्याचा दावासुद्धा ग्रामस्थांकडून केला जातोय.' या नरभक्षक बिबट्याच्या बंदोबस्तासाठी स्थानिकांनी आंदोलन तीव्र केल्यानंतर, वनविभागाने शार्प शूटर्सच्या मदतीने शोधमोहीम हाती घेतली. अखेर ऊसाच्या शेतात या बिबट्याला गोळ्या घालून ठार करण्यात यश आले. या कारवाईनंतर ग्रामस्थांनी सुटकेचा निःश्वास सोडला आहे.