संजय महाजन, साम टीव्ही प्रतिनिधी

जळगाव शहरातील सुवर्ण बाजारपेठेत अमेरिका-इराण दरम्यानच्या युद्धजन्य परिस्थितीचा परिणाम झाल्याचे दिसत आहे. या युद्धाच्या पार्श्वभूमीवर रविवारी सोन्याच्या दरात १२ हजार रुपयांपेक्षा जास्त वाढ झाली आहे. तर चांदीच्या दरात २३ हजार रुपयांपेक्षा अधिक वाढ झाली होती.

सोमवारी सकाळी बाजारपेठ उघडल्यावर सोन्याचे दर १००० रुपयांनी कमी झाली झाली आहे. प्रत्यक्षात, दोन्ही धातुंचे दर कमी झाल्याने ग्राहकांना दिलासा मिळाला. अमेरिका आणि इस्रायलने इराणवर केलेल्या मोठ्या लष्करी कारवाईनंतर जागतिक पातळीवर मोठी खळबळ उडाली आहे.

सोमवारी देखील मल्टी कमोडिटी एक्सचेंजवर सोन्या-चांदीच्या किमतींमध्ये लक्षणीय वाढ नोंदविण्यात आली. वाढत्या भू-राजकीय तणावामुळे गुंतवणूकदारांनी सुरक्षित गुंतवणुकीचा पर्याय म्हणून मौल्यवान धातूंना प्राधान्य दिल्याचे चित्र दिसून आले.

देशांतर्गत फ्युचर्स मार्केटमध्येही सोने आणि चांदीच्या किमतींमध्ये वाढ झाली. आंतरराष्ट्रीय बाजारात डॉलर मजबूत होत असतानाही सुरक्षित म्हणून सोन्याची मागणी वाढल्याने दरात तेजी आली. मध्य पूर्वेतील परिस्थिती तणावपूर्णच राहण्याची शक्यता व्यक्त होत असल्याने जागतिक आर्थिक अनिश्चितता आहे.

आजचे सोन्याचे दर (Gold Rate Today)

आज २४ कॅरेट सोन्याचे दर १ तोळ्यामागे १७१५०० रुपये आहेत. चांदीचेही दर २ लाख ९५ हजारांवर पोहचले आहेत.

सोन्या-चांदीचे आठवडाभरातील भाव (Gold Rate Weekly Update)

१८ फेब्रुवारी

सोने-१ लाख ५२ हजार ५००

चांदी-२ लाख ४३ हजार

१९ फेब्रुवारी

सोनं-१ लाख ५४ हजार ६००

चांदी-२ लाख ५० हजार

२० फेब्रुवारी

सोनं-१ लाख ५४ हजार ९००

चांदी- २ लाख ५० हजार

२१ फेब्रुवारी

सोनं- १ लाख ५७ हजार

चांदी- २ लाख ६७ हजार

२३ फेब्रुवारी

सोनं- १ लाख ५८ हजार

चांदी- २ लाख ७२ हजार

२४ फेब्रुवारी

सोनं- १ लाख ५९ हजार

चांदी- २ लाख ७३ हजार

२५ फेब्रुवारी

सोनं- १ लाख ५९ हजार ८००

चांदी- २ लाख ७५ हजार

२६ फेब्रुवारी

सोनं- १ लाख ५९ हजार

चांदी- २ लाख ७० हजार

२७ फेब्रुवारी

सोनं-१ लाख ५९ हजार

चांदी- २ लाख ७० हजार

२८ फेब्रुवारी

सोनं- १ लाख ६८ हजार

चांदी- २ लाख ९० हजार

१ मार्च

सोनं- १ लाख ७० हजार ५००

चांदी- २ लाख ९५ हजार

२ मार्च

सोनं- १ लाख ६६ हजार ५००

चांदी- २ लाख ९५ हजार