सोन्याचे दर सध्या १ लाख २० हजारांपेक्षा जास्त आहेत. सोन्याच्या दरात पुन्हा एकदा वाढ होताना दिसत आहे. सध्या सोन्याचे भाव थोड्याफार प्रमाणात कमी जास्त होत आहेत. मात्र, हे दर पुढच्या काही महिन्यात १० ते २० टक्के वाढण्याची शक्यता आहे. लक्ष्मी डायमंड्सचे चेअरमॅन चेतन मेहता यांनी याबाबत माहिती दिली आहे.

चेतन मेहता यांच्या म्हणण्यांनुसार, जागतिक बाजारपेठेत केंद्रीय बँका आणि गुंतवणूकदारांची सोने खरेदी अशीच सुरु राहण्याची शक्यता आहे. यामुळेच सोन्याचे दर वाढू शकतात. सध्या सोन्याचे दर १,२५,००० रुपयांच्या घरात आहेत. हे २० टक्के म्हणजे २५ हजारांनी वाढू शकतात.

आंतरराष्ट्रीय बाजारात सोन्याचे दर प्रति औंस ४२०० डॉलर्सच्या आसपास आहेत.जागतिक बाजारपेठेत कितीही चढ-उतार झाली तरीही सोन्याच्या दरात फार काही बदल होताना दिसत नाही. याबाबत चेतन मेहता यांनी सांगितले की, सोन्याचे दर वाढण्याची शक्यता आहे. दिवाळीनंतर सोन्याचे दर १० ते १५ टक्क्यांनी वाढले आहेत. पुढे भविष्यात हे दर १० ते २० टक्के वाढण्याची शक्यता आहे.

चेतन मेहता यांनी सांगितले, या वर्षी सोने खरेदी करण्यात वाढ झाली आहे. लग्नाच्या सीझनमध्ये सोन्याच्या दागिन्यांची मागणी पुन्हा एकदा वाढू शकते. दिवाळीतदेखील सोने खरेदीत वाढ झाली होती. त्यानंतर १०-१५ दिवस जास्त प्रमाणात सोने खरेदी होताना दिसले नाही. त्यानंतर आता पुन्हा सोने खरेदीत वाढ होताना दिसत आहे.

चेतन मेहता यांनी दिलेल्या माहितीनुसार, यावेळी एक खास ट्रेंड बघायला मिळाला. ग्राहक मोठ्या प्रमाणात सोनं एक्सचेंज करताना दिसत आहे. दिवाळीत जवळपास ४०-५० टक्के ग्राहकांनी जे सोने खरेदी केले ते एक्सचेंज केले होते. दरम्यान, पुढच्या तीन महिन्यात सोने एक्सचेंज २० ते ३० टक्के होण्याची असण्याची शक्यता आहे. त्यामुळे सोन्याचे दर भविष्यात वाढू शकतात.