प्रत्येक क्षेत्रात काम करणाऱ्या लोकांचे पीएफ अकाउंट हे असते. ईपीएफओद्वारे पीएफ अकाउंट चालवले जाते. पीएफ अकाउंटमध्ये दर महिन्याला ठरावीक रक्कम जमा केली जाते. यातील काही रक्कम तुम्हाला पेन्शन स्वरुपात सेवानिवृत्तीनंतर दिली जाते. कंपनीद्वारे पीएफ अकाउंट उघडले जाते. परंतु तुम्ही जर नोकरी सोडली आणि दुसरी नोकरी जॉइन करणे खूप गरजेचे आहे.

जर तुम्ही जुन्या कंपनीतून पीएफ अकाउंट दुसऱ्या कंपनीत ट्रान्सफर केले नाही तर तुम्हाला अनेक अडचणी येऊ शकतात. त्यामुळे तुमचे आर्थिक नुकसान होईल.

जर तुम्ही पीएफ अकाउंट ट्रान्सफर केले नाही तर इनअॅक्टिव पीएफ अकाउंटवर व्याजदर मिळणे काही वर्षानंतर बंद होते. यामुळे तुम्हाला व्याज मिळणार नाही.

PF ट्रान्सफर केला नाही तर काय होणार

पीएफमधील गुंतवणूक ही फायद्याची असते. पीएफवर इन्कम टॅक्स सूट मिळते. त्याचसोबत चांगले व्याजदरदेखील मिळते. तुम्ही जर नोकरी बदलल्यावर पीएफ अकाउंट ट्रान्सफर केले नाही तर तुमचे नुकसान होऊ शकतात. तुम्हाला असं वाटतं असेल की, अकाउंट ट्रान्सफर केले नाही तरीही त्यावर व्याजदर जमा होईल. तर असं होत नाही. यासाठी काही ठरावीक काळाची मर्यादा आहे.

पीएफ अकाउंट ट्रान्सफर कसं करायचं?

जर कर्मचाऱ्याने नवीन नोकरी जॉइन केली तर आपोआप पीएफ अकाउंट ट्रान्सफर होत नाही. कर्मचाऱ्याला स्वतः ईपीएफच्या वेबसाइटवर जाऊन सर्व प्रोसेस करावी लागेल. पीएफ अकाउंटमधील यूएएन नंबर हा सेम असतो.

जुन्या पीएफ अकाउंटवर किती दिवसांपर्यंत मिळणार व्याजदर?

जुन्या पीएफ अकाउंटवर व्याज मिळणार आहे. परंतु यासाठी काही मर्यादा निश्चित करण्यात आली आहे. जर तुम्ही ३६ महिने म्हणजे ३ वर्षांपर्यंत या अकाउंटमध्ये कोणतीही रक्कम जमा केली नाही तर तुमचे अकाउंट निष्क्रिय केले जाणार आहे. यानंतर तुम्हाला या अकाउंटवर व्याजदर मिळत नाही.

जुन्या पीएफ अकाउंटमधील योगदान बंद झाल्यावर तुम्हाला चक्रव्याढ व्याजदेखील मिळणार नाही. याचसोबत जर तुम्ही आधार, बँक अकाउंटची माहिती अपडेट केली नाही तर पैसे काढण्यासाठीही अडचणी येतील.