संघटित क्षेत्रात काम करणारे कर्मचारी ईपीएफओचे सदस्य असतात. ईपीएफओद्वारे कर्मचाऱ्यांचा पीएफ जमा केला जातो. यासाठी प्रत्येक कर्मचाऱ्याला त्याचा वेगवेगळा यूएएन नंबर दिला जातो. हा नंबर ईपीएफओ अकाउंटशी लिंक असतो. आता तुम्ही हा युनिव्हर्सल प्रोव्हिडंट फंड अकाउंट नंबर घरबसल्या बनवू शकतात.

आतापर्यंत कर्मचारी ज्या संस्थेत काम करतात त्या कर्मचाऱ्याला यूएएन नंबर एचआर डिपार्टमेंट करतो. परंतु आता हे काम तुम्ही काही क्लिकवर करु शकणार आहात. तुम्ही घरबसल्या अॅपवरच हे काम करु शकतात. यासाठी तुम्हाला एचआर डिपार्टमेंटवर अवलंबून राहण्याची गरज नाही.

कामगार व रोजगार मंत्रालयाच्या मते, आधार कार्डची पडताळणी करण्यात आली आहे. परंतु अनेक ठिकाणी नावे, आडनाव, जन्मतारीख यामध्ये चुका आहेत. त्यामुळे दावा करताना या चुका सुधारुन घ्याव्या लागतात. २०२४-२५ मध्ये १.२६ कोटी यूएएन नंबरपैकी फक्त ४४.६८ लाख सदस्यांनी सक्रिय केले आहे.

सर्व कर्मचाऱ्यांना मिळणार फायदा

याचा वापर कर्मचारी आणि मालक असे दोघेही करु शकतात. हे आधार आणि फेस ऑथेंटिकेशनसाठी वापरला जाईल. यामध्ये युजर्सचा डेटा हा थेट आधारमधून भरला जातो. ईपीएफओच्या मते, युजर्सचा मोबाईल नंबर हा आधार कार्डशी लिंक असलेल्या नंबरशी मॅच केला जातो. यानंतर ईपीएफओ पोर्टलवर यूएएन (UAN Activation) अॅक्टिव्हेशन पूर्ण केले जाईल.

नियोक्त्यांना आधार ओटीपी वापरुन यूएएन सक्रिय करायला लागतो. यामुळे भविष्यातील फायदे डीबीटीद्वारे कर्मचाऱ्यांना दिले जातील. अनेक प्रकरणांमध्ये कर्मचाऱ्याला त्याचा यूएएन नंबरच माहित नसतो. अनेकदा नंबर बदलणे किंवा चुकीचा असणे यामुळे अनेक अडचणी येतात. यामुळे आता ईपीएफओ पोर्टलवर जाऊन काही मिनिटांत तुम्ही तुमचा यूएएन नंबर अॅक्टिव्हेट करु शकणार आहात.