ईपीएफओ कर्मचारी आणि पेन्शनधारकांना लवकरच खुशखबर मिळू शकते. आता किमान पेन्शनमध्ये वाढ करण्याची घोषणा केली जाऊ शकते. किमान पेन्शन तीन पटीने वाढू शकतात. सध्या हा प्रस्ताव अंतिम टप्प्यात आहे. त्यामुळे कर्मचारी आणि पेन्शनधारकांसाठी लवकरच मोठा निर्णय होऊ शकतो.

ईपीएफओचे निर्णय घेणारी संस्था सीबीटीचे सदस्य एसपी तिवारी यांनी याबाबत माहिती दिली आहे. सेवानिवृत्तीनंतर ईपीएओ कडून मिळणारी किमान पेन्शन १ हजारांवरुन ३ हजार रुपये करण्याच्या तयारीत आहे.

सीबीटीच्या तीन बैठकांमध्ये या प्रस्तावावर सहमती देण्यात आली आहे. केंद्रीय कामगार आणि रोजगार मंत्री मनसुख मांडविया यांनाही सहमती दर्शवली आहे. ईपीएफओ आपल्या स्वतः च्या व्याजातून आणि इतर संसाधनांमधून देशातील ४० लाख निवृत्तीवेतनधारकांना ३००० रुपयांचे मासिक पेन्शन देण्यास सक्षम आहे. दरम्यान, किमान पेन्शन ७५०० करण्याची मागणी केली जात होती. परंतु ही मागणी करणे सध्या अशक्य आहे.

ईपीएफओ ३.० वर अपडेट (EPFO 3.0 Update)

सीबीटी बोर्डाचे सदस्य आणि टीयूसीसी फेडरेशनचे सरचिटणीस एस.पी तिवारी यांनी ईपीएफओ कार्यालयाला भेट दिली होती. त्यांनी सांगितले की, यूपीआयद्वारे पीएफ थेट बँक खात्यात जमा करण्याची प्रोसेस जवळपास पूर्ण झाली आहे. सर्व सदस्यांना जुलैपासून पीएफ बँक खात्यातून काढता येणार आहे. सदस्य पीएफ ठेवींपैकी फक्त ५० टक्के रक्कमच काढू शकतात.

ईपीएफओ ३.० पोर्टल १ जूनपासून सुरु होण्याची शक्यता आहे. याद्वारे तुम्ही एटीएम आणि यूपीआयद्वारे पीएफचे पैसे काढू शकतात. यामुळे कर्मचाऱ्यांना खूप फायदा होणार आहे.