कर्मचारी भविष्य निर्वाह निधी संघटनेने लाखो कर्मचाऱ्यांना दिलासा दिला आहे. ईपीएफओने युनिव्हर्सल अकाउंट नंबर (UAN) अॅक्टिव्ह करण्यासाठी आणि आधार सीडिंग करण्याची शेवटची तारीख वाढवली आहे. आता तुम्ही ३० जून २०२५ पर्यंत यूएएन अॅक्टिव्हेट करु शकतात. याआधी ही तारीख ३१ मे होती.

ईपीएफओच्या या निर्णयामुळे असंघटित क्षेत्रात काम करणाऱ्या कर्मचाऱ्यांना आणि कॉन्ट्रॅक्ट वर्कर्संना दिलासा मिळाला आहे. ज्यांनी आतापर्यंत यूएएन नंबर अॅक्टिव्हेट केले नाही त्यांनी लवकरात लवकर करावे.यासाठी मुदतवाढ देण्यात आली आहे. यामुळे कर्मचाऱ्यांना ELI (Employee's Life Insurance)योजनेचा फायदा मिळवण्यासाठी अधिकचा वेळ मिळेल.

काय आहे ELI योजना?

Employee's Life Insurance योजना ही कर्मचाऱ्यांसाठी जीवन विमा सुरक्षा आहे. या योजनेअंतर्गत जर कोणत्याही कर्मचाऱ्याचा मृत्यू झाला तर त्याचा विमा नॉमिनीला दिला जातो.

ही रक्कम जास्तीत जास्त ७ लाखांपर्यंत असते. या योजनेचा लाभ फक्त तेच कर्मचारी घेऊ शकतात. ज्यांचा UAN नंबर अॅक्टिव्ह आहे आणि हा नंबर आधार कार्डशी लिंक आहे.

UAN नंबर महत्त्वाचा

EPF किंवा EDLI दावा करण्यासाठी काही अटी आहेत. यातील सर्वात महत्त्वाची अट म्हणजे यूएएन नंबर अॅक्टिव्ह असणे. या नंबरमुळे कर्मचाऱ्याची पूर्ण माहिती मिळते.यामुळे तुम्हाला पेन्शन, पीएफ आणि इतर अनेक दाव्यांसाठी फायदा होणार आहे.

UAN नंबर कसा अॅक्टिव्ह करायचा? (How To Activate UAN Number)

सर्वात आधी तुम्हाला यूएएनच्या वेबसाइटवर जावे लागणार आहे.

यानंतर अॅक्टिव्हेट यूएएन लिंकवर क्लिक करावे लागणार आहे.

यानंतर तुमचा यूएएन नंबर, जन्मतारीख, आधार नंबर आणि मोबाईल नंबर टाकायचा आहे.

यानंतर लॉगन क्रेडेंशियल सेट करायचे आहेत.