एलन मस्क यांच्या एक्स कंपनीने आपल्या प्रीमियम प्लान्सच्या किमती वाढवल्या आहेत. भारतातील एक्स युझर्स मोठा धक्का देत कंपनीने आपल्या प्रीमियम प्लान्समध्ये थेट ३५ टक्क्यांची वाढ केलीय. हे नवीन दर २१ डिसेंबरपासून लागू झाले आहेत. ज्या लोकांनी प्लान घेतलाय, त्यांना पुढील महिन्यात येणाऱ्या बिलात नवीन दरानुसार पैसे द्यावे लागणार आहे. चला तर जाणून घेऊ भारतीय युझर्सला आता किती रुपये द्यावे लागतील.

आता X Premium+ युझर्सला दरमहा रु. १,७५० भरावे लागतील, याआधी त्यांना रु. १,३०० द्यावे लागतील. त्याचप्रमाणे वार्षिक प्रीमियम+ ची किंमत देखील १३,६०० रुपयांवरून १८,३०० रुपये करण्यात आलीय. एलन मस्कने सोशल मीडिया प्लॅटफॉर्मच्या सब्स्कक्रिप्शनचे दर वाढवण्याचे तीन कारणं सांगितली आहेत. यातील पहिलं कारण आहे, आता या प्लॅटफॉर्मवर कोणतीच जाहिरात जाणार नाही.

दुसरं कारण म्हणजे, यात कंटेंट बनवणाऱ्या लोकांना अधिक पैसा दिला जाईल. तिसरं कारण आहे, या प्लॅटफॉर्मवर नव-नवीन फीचर्स देण्यात आली आहेत. प्रीमियम+ सब्सक्रिबरला अनेक फायदे मिळणार आहेत. त्यांना @Premium कडून मोठी मदत मिळेल. तसेच नवीन फीचर्स 'Radar'चा वापर करणारे एक्सवरील एआय मॉडल्सचा जास्त वापर करू शकतील.

प्रीमियम पल्सला अधिक चांगलं बनवू शकू. तसेच चांगले फीचर्सचा फायदा मिळावा, यासाठी दर वाढवण्यात आल्याचं कंपनीने सांगितलंय. जेव्हा तुम्ही सबस्क्रिप्शन घेता तेव्हा त्या पैशाचा थेट फायदा आमचं कंटेंट क्रिएटर्सला होतो. आम्ही पैसे वाटण्याची पद्धत बदललीय. आता आपण फक्त जाहिराती किती वेळा पाहिल्या आहेत हे पाहणार नाही, तर लोकांना तो मजकूर किती आवडतो आणि ते त्याच्याशी किती जोडले जात आहेत हे देखील पाहिलं जाणार आहे.