How To start Profitable Business:

सध्या नोकरदार व्यक्तीही स्वत:चा व्यवसाय सुरु करण्याच्या विचारात असतो. एखादा व्यवसाय सुरु करणे, बोलण्या इतके सोपे नाही. त्यासाठी अथक परिश्रम आणि मेहनत घ्यावी लागते. अनेकदा व्यवसाय तोट्यात असेल तर कुटुंबातील वरिष्ठांचे टोमणेही ऐकावे लागतात. त्यामुळे व्यवसाय करण्याचा निर्णय विचार करूनच घेतला पाहिजे. तसेच व्यवसायात तोटा टाळण्यासाठी काही महत्वाच्या बाबींवर लक्ष केंद्रीत करणं गरजेचं असतं. (Latest Marathi News)

सुरुवातीला नफा विसरा

व्यवसाय सुरु करण्याच्या सुरुवातीलाच नफा मिळेल, याची अपेक्षा करणे चुकीचे आहे. व्यवसाय सुरु केल्यावर सयंम राखायला हवा. व्यवसाय सुरु केल्यावर काही बाबींवर लक्ष केंद्रीत केल्यावर होणारा तोटा टाळता येऊ शकतो.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

व्यवसायाची माहिती

व्यवसाय करण्याचा निर्णय विचारपूर्वक घेतला पाहिजे. व्यवसायात तुम्ही कोणतंही काम कराल, त्यातून नफा मिळवता आला पाहिजे. तसेच संबंधित व्यवसायाविषयी अधिक माहिती असायला हवी.

प्रतिस्पर्धकांवर संशोधन

एखादा युवा उद्योजक हा त्याच्या उत्पादाकावर अधिक वेळ आणि पैसा खर्च करतो. मात्र प्रतिस्पर्धकांवर जास्त संशोधन करत नाही. त्यांची माहिती मिळवत नाही.

व्यवसायाचं नियोजन

व्यवसाय सुरु करणाऱ्या व्यक्तीला चांगलं नियोजन करता यायला हवं. त्याने व्यवसायाचा रोडमॅप आधीच आखला पाहिजे. व्यवसायात फक्त नियोजन गरजेचं नसतं. तर भांडवल आणि व्यवसायात वाढ कशी होईल, याकडेही लक्ष द्यायला हवं.

बिझनेस स्ट्रक्चर निवडणे

व्यवसाय सुरु करण्याचा विचार करताना आपल्या उत्पादकामुळे लोकांच्या गरजा पूर्ण होतील, याचा विचार आधी केला पाहिजे. व्यवसाय सुरु करताना बिझनेस स्ट्रक्चर निवडणे देखील गरजेचे आहे. तुम्ही व्यवसायात लायबिलिटी कंपनी, लिमिटेड लायबिलिटी पार्टनरशिप, सोल प्रोपायटर, कॉर्पोरेट सारखे बिझनेस स्ट्रक्चर निवडू शकता.