सणासुदीच्या दिवसांमध्ये AC, TV, फ्रिज किंवा वॉशिंग मशीन खरेदी करण्याचा विचार करत असाल, तर ही बातमी महत्त्वाची आहे. १ ऑक्टोबर २०२६ पासून कंझ्युमर इलेक्ट्रॉनिक्स आणि घरगुती उपकरणांच्या किमती वाढण्याची शक्यता आहे. इंडस्ट्रीशी संबंधित अधिकाऱ्यांच्या माहितीनुसार, कंपन्या उत्पादन खर्चातली वाढ लक्षात घेऊन किमतींमध्ये ३ ते ८ टक्क्यांपर्यंत वाढ करू शकतात.
कॉपर, स्टील, अॅल्युमिनियम यांसारख्या कच्च्या मालाच्या वाढत्या किमती, महागलेला फ्रेट आणि रुपयातले चढ-उतार यामुळे कंपन्यांच्या उत्पादन खर्चावर दबाव वाढला आहे. त्यामुळे काही कंपन्यांनी याआधीच किमती वाढवल्या असून, काही कंपन्या सध्या खर्चाचा आढावा घेत आहेत.
एअर कंडिशनरच्या किमतीत सर्वात जास्त वाढ होण्याची शक्यता असून, साधारण ५ ते ८ टक्क्यांपर्यंत दरवाढ होऊ शकते. Blue Star, Godrej Appliances, Haier, Daikin आणि Super Plastronics यांसारख्या काही ब्रँड्सकडून ACच्या किमतीत आणखी वाढीचे संकेत देण्यात आले आहेत.
LED TV आणि वॉशिंग मशीनच्या किमती साधारण ३ ते ४ टक्क्यांनी वाढू शकतात. Thomson, Kodak आणि Blaupunkt या ब्रँडशी संबंधित Super Plastronics कडून ऑक्टोबरनंतर TVच्या किमतीत सुमारे ७ टक्के वाढ करण्याची योजना असल्याचे सांगितले जात आहे. दरम्यान, फ्रिज आणि डीप फ्रीजरच्या किमतीत ३ ते ५ टक्क्यांपर्यंत वाढ होण्याची शक्यता आहे.
ग्राहकांसाठी दिलासादायक बाब म्हणजे अनेक दुकानदार आणि डीलर्सकडे जुन्या किमतीतील स्टॉक उपलब्ध आहे. कंपन्या आणि वितरकांनी ऑगस्ट-सप्टेंबरमध्ये दरवाढीपूर्वी मोठ्या प्रमाणात इन्व्हेंटरी जमा केली आहे. त्यामुळे काही ठिकाणी दिवाळीपर्यंत जुने दर कायम राहण्याची शक्यता आहे.
कंझ्युमर ड्युरेबल्स क्षेत्रासाठी नवरात्र ते दिवाळी हा महत्त्वाचा काळ असून, या फेस्टिव्ह सीझनमध्ये वार्षिक विक्रीपैकी सुमारे ३० ते ४० टक्के विक्री होते. त्यामुळे वाढत्या किमतींचा ग्राहकांच्या खरेदीवर किती परिणाम होतो, हे पाहणे महत्त्वाचे ठरणार आहे.
दरम्यान, फ्रिज, AC आणि वॉशिंग मशीनच्या विक्रीत पहिल्या फेस्टिव्ह फेजमध्ये वार्षिक आधारावर सुमारे १२ ते १५ टक्के वाढ झाल्याचे उद्योगातील आकडेवारीतून समोर आले आहे. प्रीमियम उत्पादनांची मागणीही मजबूत असल्याचे सांगितले जात आहे. मात्र, दिवाळीनंतर नवीन दरांचा परिणाम स्पष्टपणे जाणवण्याची शक्यता आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.