घरामध्ये आपल्याला स्वयंपाकासाठी LPG सिलेंडरचा वापर करावा लागतो. नुकतेच सिलेंडरच्या दरांमध्ये वाढ झाली आहे. त्यात सिलेंडरचा कालावधीही वाढवण्यात आला. उन्हाच्या कडाक्यात नागरिकांना लांबच्या लांब रांगा लावून उभं राहावं लागलं होतं. आता नवीन माहिती समोर आली आहे.

कोणत्या नागरिकांना सिलेंडर मिळणार नाही?

आता नागरिकांना ई- केवायसी केल्याशिवाय LPG सिलेंडर दिला जाणार नाही. तुम्ही भारत गॅस, एचपी गॅस आणि इंडेन असे कोणतेही सिलेंडर वापर असाल तरीही हा नियम लागू आहे. नागरिकांना यासाठी ३० जूनपर्यंत मूदत देण्यात आली आहे.

सिलेंडरची ही सेवा होणार बंद

तुम्हाला जर LPG सबसिडीची सेवा मिळत असेल तर आत्ताच ई-केवायसी पूर्ण करून घ्या. तुम्ही ही प्रोसेस घरबसल्या सुद्धा पूर्ण करू शकता. ज्या ग्राहकांना सबसिडी मिळते, त्यांना Biometric Authentication आधारित ई-केवायसी करणं अनिवार्य केलं आहे.

तुम्हाला ई-केवायसी करण्यासाठी सर्वप्रथम https;//www.pmuy.gov.in/e-kyc.html या अधिकृत वेबसाईटला भेट द्यावी लागेल. तुम्ही स्मार्ट फोनवर ही प्रोसेस पूर्ण करू शकता. पुढे तुमच्या तेल वितरण कंपनीचं अॅप आणि आधार अॅप आरडी डाउनलोड करावे लागेल. नंतर तिथे मागितली जाणारी सर्व माहिती द्या. तुम्हाला यामध्ये फेस स्कॅन करावा लागेल. यानंतर तुमचं व्हेरिफिकेशन पूर्ण होईल. या प्रोससने तुमचं ई- केवायसी होईल आणि तुम्हाला वेळच्या वेळी LPG सिलेंडर उपलब्ध होईल.