बँक ऑफ बडोदाच्या ग्राहकांसाठी महत्त्वाची माहिती समोर येत आहे. बँक ऑफ बडोदाच्या ग्राहकांना लवकरच मोठा झटका बसणार आहे. बँकेने MCLR वाढवले आहे. बँकेने ३ महिने, ६ महिने आणि १ वर्षाच्या कालावधीसाठी आपल्या लेंडिंग रेट्समध्ये 5bps पॉइंटसची वाढ केली आहे. हे नवे दर १२ ऑगस्ट २०२४ पासून लागू होणाार आहेत.

याचसोबत बँक मार्जिनल कॉस्ट ऑफ फंड्स बेस्ड लेडिंग रेट्स (MCLR) वाढवण्यात आले आहे. त्यामुळे कर्जदारांच्या ईएमआयमध्ये वाढ होणार आहे.

बँक ऑफ बडोदाने आपल्या रेग्युलेटरी फायलिंगमध्ये मार्जिनल कॉस्ट ऑफ फंड्स बेस्ड लेंडिग रेट्स (MCLR) मध्ये बदल केले आहे, असं सांगितले होते. हे नवे दर १२ ऑगस्ट २०२४ पासून लागू होणार आहे. बँक फायलिंगनुसार, बँक ऑफ बडोदाने ३ महिन्यांच्या एमसीएलआर (MCLR)मध्ये ८.४५ वरुन ८.५० टक्के करण्यात येणार आहे. तर ६ महिन्यांच्या(MCLR)मध्ये ८.७० टक्क्यांवरुन ८.४५ टक्के वाढवण्यात येणार आहे. तर १ वर्षाच्या कालावधीसाठी एमसीएलआर ८.९० टक्क्यांवरुन ८.९५ टक्के करण्यात येणार आहे. प्रत्येक कालावधीसाठी ५ वेसिस पॉइंट वाढवण्यात आले आहेत.

एक बेसिस पॉइंट हा टक्केवारीचा १०० वा हिस्सा असतो. त्यामुळे ग्राहकांना मोठा फटका बसणार आहे. बँक ऑफ बडोदाने आपले MCLR ८.१५ टक्क्यावरुन वाढवून ८.३५ टक्के केले आहे. यामुळे ग्राहकांचा ईएमआय वाढणार आहे. याबाबत मनी कंट्रोलने वृत्त दिले आहे.

भारतीय रिझर्व्ह बँकेने २०१६ साली MCLR जाहीर केला होता. MCLR हे एक बेंचमार्क व्याजदर आहे. हे दर बँक आपल्या लेडिंग रेट्सनुसार ठरवते. बँक या दरावर ग्राहकांना लोन देतो. MCLR वाढल्याने ग्राहकांचे व्याजदर वाढणार आहे. त्यामुळे ईएमआय भरताना सर्वसामान्य नागरिकांच्या खिशाला फटका बसणार आहे.