आज २७ जानेवारी रोजी देशातील बँका बंद असणार आहे. आज बँकेचे अधिकारी आणि कर्मचारी आपल्या मागण्यांसाठी संप करणार आहे. बँक कर्मचारी युनियनचा संप असणार आहे. त्यामुळे बँकेचे अनेक कर्मचारी या संपात सहभागी होणार आहे. त्यात पार्श्वभूमीवर बँका आज बंद राहणार की सुरु राहणार आहेत याबाबत संभ्रम निर्माण झाला आहे.

भारतीय रिझर्व्ह बँकेच्या सुट्ट्यांच्या कॅलेंडरनुसार, आज बँकांना सुट्टी नाहीये. रिझर्व्ह बँक दर महिन्याला बँकांच्या सुट्ट्यांची यादी जाहीर करतात. यानुसार आज राज्यातील बँकांना सुट्टी नाहीये.परंतु बँकेच्या कर्मचाऱ्यांच्या संपामुळे अनेक सेवांवर परिणाम होऊ शकतो.

२७ जानेवारी म्हणजे आज जर तुम्ही बँकेत जाण्याचा विचार करत असाल तर तुमच्या बँकेची शाखा सुरु आहे की नाही हे चेक करा. देशातील अनेक भागातील बँका आज बंद असणार आहे. त्यामुळे आज तुमचे काम होण्याची शक्यता कमी आहे. दरम्यान, रिझर्व्ह बँकेने आज २७ जानेवारीला कोणतीही अधिकृत घोषणा केलेली नाही.

या बँका राहणार बंद (Bank Holiday Today)

देशभरात बँक कर्मचाऱ्यांचा संप असणार आहे. यामध्ये स्टेट बँक ऑफ इंडिया, नॅशनल बँक ऑफ इंडिया, बँक ऑफ बडोदा, बँक ऑफ इंडिया, कॅनरा बँक, इंडियन बँकेचा समावेश आहे. काही शहरातील बँकेचे कर्मचारी मोठ्या संख्येने आंदोलन करणार आहे. दरम्यान, मागण्या मान्य न झाल्या तर आंदोलन अजून तीव्र होईल, असं सांगितलं जात आहे.

काय आहे कारण?

बँक युनियनची मागणी आहे की, बँकेच्या कर्मचाऱ्यांना ५ दिन वीक करावा. म्हणजेच शनिवार-रविवारी सुट्टी मिळावी. सध्या बँकांना दुसरा आणि चौथा शनिवार सुट्टी आहे. त्यामळे ही मागणी केली जात आहे. गेल्या अनेक दिवसांपासून सरकारकडे हा प्रस्ताव देण्यात आला आहे.