Bank Holidays: कामाची बातमी! देशभरात बँकांना सलग ५ दिवस सुट्टी; कारण काय?

वर्षाचा शेवटचा महिना सुरु आहे. वर्षभरातील अनेक रखडलेली कामे करण्यासाठी ही शेवटची संधी असते. अनेकदा पैशासंबंधित अनेक कामे करायची असतात. दरम्यान, जर तुमचे बँकेत काही काम असेल तर ही बातमी खास तुमच्यासाठी. डिसेंबर महिन्यात अनेक दिवस बँका बंद राहणार आहे.

१८ डिसेंबर ते २२ डिसेंबर अशी सलग ५ दिवस बँकांना सुट्टी असणार आहे. त्यामुळे तुमचे जर बँकेत काही काम असेल तर सुट्ट्यांची यादी आजच चेक करु जा. अन्यथा तुम्हाला अडचणी येऊ शकतात.

कुठे बँका बंद? (Bank Holidays for 5 Days)

१८ डिसेंबरला म्हणजे काल मेघालय,छत्तीसगडमध्ये बँकांना सुट्टी होती. इतर राज्यातील बँका सुरु होत्या.

१९ डिसेंबरला गोवा स्वातंत्र्य दिन म्हणून सरकारी आणि खासगी बँकांना सुट्टी जाहीर करण्यात आली आहे.

२० डिसेंबर रोजी सिक्कीममध्ये बँका बंद असणार आहेत. लोसूंग आणि नामसूंग या सणांमुळे बँकेला सुट्टी दिली आहे.

२१ डिसेंबरला रविवार म्हणून देशातील सर्व बँका बंद असणार आहेत.

२२ डिसेंबरला सिक्कीममध्ये लोसूंग आणि नामसूंग या सणामुळे सुट्टी देण्यात आली आहे. २० ते २२ असे सलग ३ दिवस सुट्टी जाहीर करण्यात आली आहे.

डिसेंबरच्या शेवटच्या आठवड्यात बँका बंद

डिसेंबरच्या शेवटच्या आठवड्यात अनेक दिवस बँका बंद असणार आहेत.महाराष्ट्रात २१, २५,२७ आणि २८ डिसेंबरला बँकांना सुट्टी जाहीर करण्यात आली आहे. त्यामुळेच जर तुमचे काही काम असेल तर त्याआधीच पूर्ण करा.

या सेवा राहणार सुरु

बँकांना सुट्टी असली तरीही ऑनलाइन कामे सुरु राहतील. तुम्हाला इंटरनेट किंवा बँकिंग अॅपवरुन सर्व कामे करता येणार आहेत. एटीएम आणि यूपीआयद्वारे डिजिटल पेमेंट सुरु राहती. एनईएफटी आणि आरटीजीएस सुविधादेखील सुरु असणार आहे. त्यामुळे तुम्ही मोबाईलवरुन सर्व कामे करु शकतात.