शेअर मार्केटच्या माहितीबाबत सर्वसामान्यांची दिशाभूल करणाऱ्यांविरोधात सेबीने कडक कारवाई केली आहे. सेबीने अवधून साठे यांच्यावर कारवाई केली आहे. ट्रेडिंगचे गुरु मानले जाणाऱ्या अवधून साठे यांच्याकडून ५४६.२ कोटी रुपये जप्त करण्याचे निर्देश दिले आहे. याशिवागी सेबीने त्यांना नोंदणीशिवाय गुंतवणूक सल्ला आणि संशोधन विश्लेषण करण्यासही मनाई केली आहे.

सेबीच्या पुढच्या आदेशापर्यंत त्यांना सिक्युरिटीज मार्केटमधून बाहेर पडण्यासदेखील मनाई केली आहे. सेबीने याप्रकरणी १२५ पानांचा आदेश जारी केला आहे.

सेबीच्या म्हणण्यांनुसार, या दोन्ही ट्रेडिंग संस्थांनी ३.४ लाख गुंतवणूकदारांकडून ६०१ कोटींपेक्षा जास्त रक्क घेतली आहे. त्यांना आवश्यक माहिती मिळाली नाही तसेच गुंतवणूक सल्ला आणि स्टॉक विश्लेषणाद्वारे त्यांची दिशाभूल केली आहे. त्यांना शेअर्स खरेदी आणि विक्री करण्यास सांगितले. परंतु सेबीच्या म्हणण्यांनुसार, जर संस्था हे काम करत असेल तर त्यांना सिक्युरिटीज कायद्यांचे पालन केले पाहिजे.

सेबीने (SEBI)आदेशात म्हटलंय की, या संस्था शेअर मार्केच्या शिक्षणाच्या नावाखाली नोंदणीशिवाय गुंतवणूक सल्लागार आणि संशोधन विश्लेषणाच्या सेवा देत होत्या. प्रशिक्षणाच्या कालावधीत त्या मार्केट डेटा वापरत होत्या. या संस्था गुंतवणूकदारांकडून खूप शुल्क आकारत होत्या. दरम्यान, सेबीला असे आढळून आले की, या संस्था सोशल मीडियाद्वारे दिशाभूल करणारी माहिती आणि जाहिराती पसरवत होत्या.

२०२४ मध्ये केली होती चौकशी

२०२३-२४ आर्थिक वर्षात अवधूत साठे ट्रेडिंग अकॅडमी आणि अवधूत साठे यांची सेबीने चौकशी केली आहे. या दोन्ही संस्थांनी गुंतवणूकदारांना व्यव्हार करण्यास सांगितले. त्यांना नफा मिळवून देण्याचा दावा केला. परंतु सेबीच्या तपासणीत दिसून आले की गुंतवणूकदारांना नफा होत नव्हता तर त्यांना फक्त तोटा सहन करावा लागत होता.यासाठी सेबीने इशारा दिला होता. मात्र, या इशाऱ्याला न जुमानता दिशाभूल करणारे व्हिडिओ प्रसिद्ध करण्यात येत होते. त्यामुळेच सेबीने ही कारवाई केली.