गेल्या काही दिवसांपासून नोकरकपातीचे संकट कर्मचाऱ्यांसमोर आहे. अनेक कंपन्यांनी नोकरकपात केली. टिसीएसने हजारो कर्मचाऱ्यांना कामावरुन काढून टाकले. त्यानंतर आता अॅमेझॉनदेखील नोकरकपात करणार असल्याचे वृत्त समोर आले आहे. अॅमेझॉन या आठवड्यात ३०,००० कर्मचाऱ्यांना कामावरुन काढून टाकणार असल्याचे सांगितले आहे.

तीन महत्त्वाच्या शहरांमधील कर्मचाऱ्यांना काढून टाकले जाणार आहे. अॅमेझॉनची ही आतापर्यंतची सर्वात मोठी नोकरकपात असेल. ही नोकरकपात १० टक्के असेल.अॅमेझॉनमध्ये जवळपास ३,५०,००० कर्मचारी काम करतात. त्यातील ३०,००० कर्मचाऱ्यांना काढून टाकणार असल्याचे सांगितले जात आहे.

आतापर्यंतची सर्वात मोठी नोकरकपात

आतापर्यंतची ही सर्वात मोठी नोकरकपात असेल. याआधी २०२२ मध्ये कंपनीने २,७०० कर्मचाऱ्यांना कामावरुन काढून टाकले होते. त्यानंतर आता ३०,००० कर्मचाऱ्यांना काढून टाकणार आहे.

२०२० पासून आयटी क्षेत्रात नोकरकपात सुरु आहे.यामुळे अनेक कंपन्यांमधील लाखो कर्मचाऱ्यांना कामावरुन काढून टाकण्यात आले आहे.

मिडिया रिपोर्टनुसार,२८ ऑक्टोबर म्हणजे आज सकाळी कर्मचाऱ्यांना नोकरकपातीचा ई-मेल केला जाईल. याबाबत काल टीम मॅनेजरला काल माहिती देण्यात आली होती.यामुळे अनेक कर्मचाऱ्यांना फटका बसत आहे.

अॅमेझॉनचे सीईओ अँडी जॅसी यांच्या निर्णयानंतर ही कपात केली जाणार आहे. एआयमुळे अनेक कामे स्वयंचलित होत आहेत. त्यामुळे कर्मचाऱ्यांना काढून टाकण्यात येत आहे. यामुळे आणखी काही नोकऱ्यांमध्ये कपात होण्याची शक्यता आहे. नुकतेच कंपनीने आठवड्यात एक दिवस ऑफिसला येण्याची अट घातली होती. यामुळे कर्मचारी स्वेच्छेने सोडून जातील, असं सांगण्यात येत होते. मात्र, यामुळे काहीही फरक पडला नाही. त्यामुळे ही नोकरकपात करण्याचा निर्णय घेतला.