Aadhaar Card Name change : भारतीय नागरिकांसाठी आधार कार्ड हा महात्वाचा पुरावा मानला जातो. आधार कार्डाशिवाय आता केवायसी देखील होऊ शकत नाही. तसेच बँक खाते उघडण्यासाठी देखील आधारकार्ड हाच महत्वाचा पुरावा मानला जातो. या आधारकार्डाचे अनेक फायदे आहेत. याच महत्वाच्या आधारकार्डावरील नाव, पत्ता दुरुस्तीसाठी अनेक नियम आखण्यात आले आहेत.

तुम्ही आधारकार्ड तयार केल्यानंतर पहिल्यांदा नावात बदल करू शकता. परंतु दुसऱ्यांदाही आधारकार्डावरील नावात चूक झाली, तर काय करू शकता? आधारकार्डावरील नावात किती वेळा दुरुस्ती करू शकता, तुम्ही किती वेळा नाव बदलू शकता? जाणून घ्या.

तुम्ही नाव किती वेळा बदलू शकता?

आधार कार्डावरील वैयक्तिक माहिती म्हणजे नाव, पत्ता यासारखी माहिती अपडेट करण्यासाठी UIDAIचे काही नियम आहेत. या नियमानुसार, आधारकार्डावरील नाव २ वेळा बदलू शकतो. कार्डावरील दुरुस्ती, लग्नानंतर नावात बदल करण्याची परवानगी मिळते. ही दुरुस्ती करण्यासाठी ५० रुपये आकारले जातात. एका व्यक्ती दोन वेळा नावात बदल करू शकतो.

तुम्हाला तिसऱ्यांदा नावात बदल करायचा असेल, त्यासाठी तुम्हाला विशेष परवानगी आणि नेमकं कारण द्यावे लागते. तुम्हाला विशेष परवानगी मिळाल्यानंतर तुम्ही तिसऱ्यांदा नावात बदल करू शकता.