आधार कार्ड हे प्रत्येक भारतीय नागरिकासाठी ओळखपत्र आहे. देशातील १४० कोटींपेक्षा जास्त लोकांकडे आधार कार्ड आहे. आधार कार्ड हे अनेक कामांसाठी अनिवार्य आहे. शाळेपासून ते सरकारी कामांसाठी आधार कार्ड अनिवार्य आहे. आधार कार्ड नसेल तर तुमची अनेक कामे होत नाही. दरम्यान,तुम्हाला वेळोवेळी आधार अपडेट करावे लागणार आहे.

आधार कार्डवरील माहिती अपडेट करावी लागते. तुम्ही जर घराचा पत्ता बदलला तर तो अपडेट करणे गरजेचे आहे. फोन नंबर बदलला असेल तरीदेखील अपडेट करावा लागतो. दरम्यान, एखादा शब्द किंवा अक्षर जरी चुकीचे असेल तर तुम्हाला खूप अडचणी येऊ शकतात.

UIDAI आधार कार्डमध्ये चुकीची माहिती अपडेट करण्याची सुविधा आहे. तुम्ही ऑनलाइन आणि ऑफलाइन पद्धतीने आधार अपडेट करु शकतात. तुम्ही नाव, पत्ता, जन्मतारीख, मोबाईल नंबर बदलू शकतात. दरम्यान, यासाठी काही लिमिट निश्चित करण्यात आल्या आहेत.

UIDAI च्या नियमानुसार, आधार कार्डमधील काही माहिती तुम्ही फक्त दोनदा बदलू शकतात. जर तुम्ही दोन्ही वेळा चुकीची माहिती दिली तर तुम्हाला ती बदलता येणार नाही. नाव, जन्मतारीख, लिंग ही माहिती फक्त एकदाच बदलू शकतात. पत्ता तुम्ही कितीही वेळा बदलू शकतात. त्यामुळे नाव, जन्मतारीख आणि लिंग ही माहिती देताना विशेष काळजी घ्या.

अनेकजण माहिती दुरुस्त करण्याचे कारण सांगून त्याचा दुरुपयोग करतात म्हणूनच यूआयडीएआयने लिमिट सेट केली आहे.यामुळे तुमचे नुकसान होऊ शकते. तुमच्या वैयक्तिक माहितीचा दुरुपयोग करु शकतात. त्यामुळे वेळीच सावध व्हा. माहिती अपलोड करताना विशेष काळजी घ्या.