सरकारी कर्मचाऱ्यांसाठी महत्त्वाची बातमी आहे. सरकारी कर्मचाऱ्यांना वर्षातून दोनदा महागाई भत्ते वाढवले जातात. वर्षभरात जानेवारी आणि जुलै महिन्यात महागाई भत्ता वाढवला जातो. दरम्यान, हा महागाई भत्ता इंडिया कंझ्युमर प्राइस इंडेक्स इंडस्ट्रीयल वर्कर्स (AICPI-IW) वर आधारित असतो. आता लवकरच जानेवारी २०२६ चा महागाई भत्ता वाढणार आहे.

केंद्र सरकार कर्मचारी आणि पेन्शनधारकांना यावेळी महागाई भत्ता आणि महागाई राहतमध्ये दिलासा मिळणार आहे. यामध्ये २-२ टक्क्यांनी केली जाऊ शकत.दरम्यान, यामुळे पगार कितीने वाढणार ते जाणून घ्या.

कंज्युमर प्राइस इंडेक्स काय असते?

भारतात दोन प्रकारच्या महागाईचे प्रकार असतात. एक म्हणजे रिटेल आणि दुसरा होलसेल प्राइस इंडेक्स. रिटेल महागाई ही सर्वसामान्य ग्राहकांना दिलेल्या किंमतीवर असते. यालाच कन्ज्युमर प्राइस इंडेक्स म्हणतात.

आता किती वाढणार महागाई भत्ता?

मागच्या वेळी जून २०२५ मध्ये महागाई भत्ता वाढला होता. हा महागाई भत्ता AICPI-IW च्या आकड्यानुसा वाढला होता. महागाई भत्त्यात ३ टक्क्यांनी वाढ झाली होती. हा महागाई भत्ता ऑक्टोबर २०२५ पासून लागू झाला होता. यानंतर कर्मचाऱ्यांचा महागाई भत्ता ५८ टक्के झाला. यानंतर आता डिसेंबरच्या महागाईवर हा महागाई भत्ता वाढणार आहे. जर कंज्युमर इंडेक्स ७ पॉइंटने घसरला तर महागाई भत्त्यात १ टक्क्यांनी वाढ होईल. जर इंडेक्स २४ पॉइंटने वाढला तर ३ टक्क्यांनी वाढ होईल.