Bigg Boss Marathi 6 : तन्वी कोलते नाही तर 'हा' सदस्य मारणार बाजी, उचलणार 'बिग बॉस मराठी ६' ची ट्रॉफी?

'बिग बॉस मराठी ६' सुरुवातीपासून चर्चेत राहिले. कधी सदस्यांमधील भांडणे, राडा, मैत्री, प्रेम यांमुळे तर कधी रितेश भाऊंच्या भाऊच्या धक्क्यामुळे. 'बिग बॉस मराठी ६'ला प्रेक्षक भरभरून प्रेम देत आहेत. आता 'बिग बॉस मराठी ६' शेवटच्या टप्प्यावर आले आहे. 'बिग बॉस मराठी ६'चा ग्रँड फिनाले काही दिवसांवर येऊन ठेपला आहे.

शेवटच्या टप्प्यावर येऊन रेवा कौरासे घराचा निरोप घेते. रेवा कौरासेने बिग बॉसच्या घरात वाइल्ड कार्ड एन्ट्री घेतली होती. बिग बॉसच्या सुरूवातीपासून विजेतेपदासाठी तन्वी कोलतेचे नाव आघाडीवर आहे. मात्र आता प्रेक्षक तिच्यावर नाराज असल्याचे दिसून येत आहे. ज्यामुळे 'बिग बॉस मराठी ६' विजेते म्हणून दुसऱ्याच नावाची चर्चा पाहायला मिळत आहे.

नेमकं घडलं काय?

व्हायरल व्हिडीओमध्ये तुम्ही पाहू शकता की, रेवा कौरासे घरातून बाहेर पडणार याची घोषणा होते. ज्यामुळे तन्वी खूपच दुखावते कारण बिग बॉसच्या घरात प्रभूनंतर तन्वीचा रेवासोबत छान नातं निर्माण झाले असते. तेव्हा तन्वी बोलते की, "आज खोटारडेपणा आणि धक्काबुक्की इथे राहिली आणि माझ्या चांगल्या मनाची पोरगी थेट घरातून बाहेर चालली..." त्यावर अनुश्री उत्तर देत बोलते की, "आमचं मन नाही चांगले, आम्ही मनातूनच घाण आहोत..."

हा व्हिडीओ सोशल मीडियावर तुफान व्हायरल होत आहे. या व्हिडीओवर तन्वी विरोधात कमेंट्स पाहायला मिळत आहे. तर प्रेक्षक अनुश्रीची बाजू घेत आहेत. तन्वीसाठी एका युजरने लिहिलं की, "तिचे मन चांगले असते तर ती कधीच असे बोलली नसती...", दुसऱ्या एका युजरने लिहिलं की, "तन्वी खूप हवेत आहे. गर्वाच घर खाली येणार नि जनताच आणणार, विजेता राकेश किंवा अनुश्री होणार..." तर तिसऱ्या युजरने लिहिलं की," तन्वी फेक आहे, हे तिचा वागण्यातून दिसते आणि आता तर बोलून दाखवले..." सुरूवातीपासून तन्वी कोलतेला पाठिंबा देणारी जनता आता तिच्यावर नाराज आहे. प्रेक्षक अनुश्री माने आणि राकेश बापटला पाठिंबा देत आहेत.

टॉप-५ फायनलिस्ट कोण?

• तन्वी कोलते

• राकेश बापट

• अनुश्री माने

• विशाल कोटियन

• दिपाली सय्यद

ग्रँड फिनाले कधी?

‘बिग बॉस मराठी ६’ ग्रँड फिनाले 19 एप्रिल 2026 ला म्हणजेच येणाऱ्या रविवारी होणार आहे. ग्रँड फिनाले रात्री 8 वाजता 'कलर्स मराठी' आणि 'जिओहॉटस्टार'वर पाहायला मिळेल.व्होटिंग लाइन्स शनिवार 18 एप्रिल दुपारी 3 वाजेपर्यंत सुरू राहणार आहेत. ‘बिग बॉस मराठी ६’ ची ट्रॉफी कोण उचलणार हे ग्रँड फिनालेला रितेश भाऊ सांगतील.