अमित आवारी

अहमदनगर : अहमदनगर शहरात कोरोना रुग्णांचे Corona Patients प्रमाण वेगात घटत आहे. अहमदनगर जिल्हा रुग्णालयात नवीन तयार केलेल्या कोविड विभागातील अतिदक्षता विभागात ICU 17 कोविड रुग्ण उपचार घेत होते. त्यातील 13 जणांचा आज मृत्यू Deaths झाला. ही आग शॉकसर्केटमुळे Short Circuit लागली होती, अशी अधिकृत माहिती समोर आली आहे. या कोविड अतिदक्षता विभागाचे फायर ऑडिट झाले होते. त्यातील त्रुटीही जिल्हा शल्यचिकित्सकांना कळविण्यात आल्या होत्या मात्र त्यानुसार अंमलबजावणी मात्र झाली नाही.

कोरोना महामारीची साथ सुरू झाल्यावर जिल्हा रुग्णालयातील नवीन इमारतीत कोरोना उपचार सुरू करण्यात आले. त्यावेळी तेथे अतिदक्षता विभागही सुरू करण्यात आला होता. कोरोनाच्या दुसऱ्या लाटेत ऑक्सिजनची कमतरता पाहून या इमारतीच्या समोर ऑक्सिजन प्लांट उभा करण्यात आला.

जिल्हा रुग्णालयाचे 2015 व 2021 या वर्षांत फायर ऑडिट करण्यात आले होते. हे फायर ऑडिट महापालिकेतील अग्निशमन विभाग प्रमुख शंकर मिसाळ यांनी केले होते. नवीन इमारतीतील अतिदक्षता विभागाचे फायर ऑडिट 2021मध्ये करण्यात आले होते. यात मिसाळ पाच ते सहा त्रुटी जिल्हा रुग्णालयाला कळविल्या होत्या. यात फायर अलाराम, स्प्रिकंलर, पाण्याचे पंप, सेंसर आदी स्थायी अग्निशमन यंत्रणा नसल्याचे सांगत त्या त्वरीत बसविण्याच्या सूचना दिल्या होत्या, मात्र आज तागायत या त्रुटी पूर्ण केल्या गेल्या नाहीत.

विद्युत अतिदाब;

कोविड अतिदक्षता विभागात विद्युत तारांचा संच होता. या संचात शॉकसर्केट होऊन अपघात झाला असावा. शॉकसर्केट झाल्यावर या विभागातील ऑक्सिजन पाईपने आग पकडली असावी. हा आगीचा भडका रोखण्यासाठी आवश्यक सुरक्षा साधने नसल्याने आग अटोक्यास येण्यास अडचण आली. यातच पीओपीमुळेही धुर वाढला, असा अग्निशमन विभागाचा प्राथमिक अंदाज आहे.

Edited By-Sanika Gade