Nashik News : पिंपळगाव बाजार समितीमध्ये टोमॅटोचे भाव कोसळल्याने शेतकरी व्यथित झाले आहेत. टोमॅटोला प्रति 20 किलो कॅरेट अवघे 100 ते 250 रुपयांचा भाव मिळू लागल्याने शेतकरी संतप्त झाले आहेत. काही शेतकऱ्यांनी बाजार समिती आवारात टोमॅटो फेकले. लाखो रुपये उत्पादन खर्च करूनही साधी मजुरी देखील सुटत नाही असे म्हणत शेतक-यांनी देखील सरकारवर टीका केली. (Maharashtra News)

दुष्काळी स्थिती

दरम्यान साम टीव्हीशी बाेलताना शेतक-यांना आम्ही आर्थिक संकटात सापडल्याचे नमूद केले. एका शेतक-याने टाेमॅटाेला 20 किलाेच्या क्रेटला 100 ते 150 रुपये दर मिळू लागला आहे. कठीण परिस्थिती आली आहे आमच्यावर असे सांगितले. ताे म्हणाला तळ्यातले पाणी संपले, विहिरीचे पाणी संपले, काय करायचे शेतक-याने सांगा.

...त्यावेळी व्यापारी आमच्या मागे पळत हाेते

लाईट क्लिअर नाही. पाऊस नाही, काय करायचे शेतक-याने आत्महत्या करायची का असा सवाल शेतक-याने उपस्थित केला. भाव वाढला तेव्हा व्यापारी आमच्या मागे पळत हाेते आता काेणी आम्हांला जवळ करत नाहीये. तुम्हीच सांगा काेठे जायचे शेतक-यांनी असा सवाल शेतकरी उपस्थित करु लागले आहेत.

5 लाखाचं कर्ज डाेक्यावर

दूस-या एका शेतक-याने व्यथा सांगताना सरकारवर ताशेरे मारले. ते म्हणाले 5 लाख रुपये कर्ज काढले. टाेमॅटाे पिकवली. ही टाेमॅटाे निर्यात करण्याच्या दर्जाची आहे. या मालाला 100 रुपये दर मिळताेय. काय करायचे सांगा, कसं कर्ज फेडणार आम्ही. सरकारची भीक तर आम्हांला नकाेच असेही शेतक-याने म्हटलं.

Edited By : Siddharth Latkar