पंढरपूर : दुष्काळाची धग बागायती असलेल्या पंढरपूर तालुक्यातील फळबागांना बसू लागली आहे. पाणी नसल्याने शेतकऱ्याने फळ बागेवर कुऱ्हाड चालवली आहे. एक महिन्यापासून पाणी नसल्याने जळून गेलेली द्राक्ष बाग शेतकऱ्याने तोडायला सुरुवात केली आहे. 

राज्यात यंदा दुष्काळाची भीषणता अधिक पाहण्यास मिळत आहे. शेतीसाठी तर सोडा पण पिण्यासाठी देखील पाणी मिळत नसल्याची स्थिती अनेक भागात आहे. यात (Drought) दुष्काळाचे भीषण सावट आणि पाणी टंचाई सध्या पंढरपूर तालुक्यात शेतकऱ्याचे हाल करताना दिसत आहे. पंढरपूर (Pandharpur) तालुक्यातील कासेगाव परिसरातील सर्व शेती ही द्राक्ष बागायत शेती आहे. निरा भाटगरच्या कालव्यातून येणाऱ्या पाण्यावर या परिसरातील बहुतांशी शेती अवलंबून आहे. 

मात्र गेल्या दीड महिन्यापासून कालव्याला पाणी नाही. विहिरी कोरड्या पडल्या आहेत. यामुळे द्राक्ष बागांना पाणी कुठून द्यायचे? असा प्रश्न शेतकऱ्यांसमोर (Farmer) आहे. पनू नसल्याने द्राक्ष बाग उन्हाने जळून खाक झाल्याने द्राक्षबाग पूर्णपणे काढून टाकून घेण्याचा निर्णय आता काही शेतकऱ्यांनी घेतला आहे. शेतकऱ्यांचे यामुळे नुकसान होत आहे.