सागर निकवाडे
नंदुरबार : राज्यात सध्या वादळी वाऱ्यासह अवकाळी पाऊस होत आहे. काही भागात जोरदार वाऱ्याचा तडाखा बसत असून नंदुरबार जिल्ह्यात आलेल्या अवकाळी पावसाचा फटका शेती पिकांना बसला आहे. तर शहादा आणि नंदुरबार तालुक्यातील केळी आणि पपई पिकांचे मोठ्या प्रमाणात नुकसान झाल आहे.
राज्यातील अनेक भागात मागील काही दिवसांपासून वादळी वाऱ्यासह अवकाळी पाऊस होत आहे. यामुळे शेतात असलेल्या पिकांना मोठा फटका बसत आहे. दरम्यान (Nandurbar) नंदुरबार व शहादा तालुक्यात वादळी वाऱ्यासह अवकाळी पाऊस झाला. वादळी वाऱ्यामुळे अनेक ठिकाणी नुकसान झाल्याचे पाहण्यास मिळाले. तर नुकत्याच लागवड केलेल्या पपई पिकाचेही मोठ्या प्रमाणात नुकसान झाले असून उन्हापासून कोवळ्या पिकांना संरक्षण मिळावं यासाठी लावण्यात आलेले महागाई क्रॉप कव्हर ही खराब झाल्याने (Farmer) शेतकऱ्यांचा लाखो रुपयांचे नुकसान झाले आहे.
वादळी वारा व अवकाळी पावसामुळे शेतकऱ्यांचे प्रचंड नुकसान झाले. या नुकसानीची पाहणी करण्यासाठी राज्याचे आदिवासी विकास मंत्री डॉ. विजयकुमार गावित (Vijaykumar Gavit) यांनी शेतकऱ्यांच्या बांधावर जात झालेल्या नुकसानीची पाहणी केली. तसेच तातडीने मदत करण्याचे आश्वासन देखील देण्यात आले आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.