![Unseasonal Rain](http://media.assettype.com/saamtv%2F2024-05%2F907a978f-2b31-4621-b9bf-906de9e4f525%2FSaam_TV___2024_05_21T123756_907.jpg?rect=0%2C0%2C1200%2C675&w=480&auto=format%2Ccompress&fit=max)
अक्षय गवळी
अकोला : अकोला जिल्ह्यात सलग तीन दिवसांपासून अवकाळी पाऊस होत आहे. या दरम्यान सोमवारी रात्री पुन्हा अवकाळी पावसासह गारपिट झाली. यामुळे अकोला जिल्ह्यातील अकोट तालुक्यातल्या काही गावांना या गारिपिटीसह पावसाचा फटका बसला आहे.
आधीच (Akola) अवकाळी पावसामुळे संकटात सापडलेला केळी उत्पादक शेतकरी काल झालेल्या अवकाळी पावसामुळे अस्मानी संकटाला समोर गेला. अनेक शेतकऱ्यांचे मोठे नुकसान झाले आहे. अकोट तालुक्यातील धामणगाव शेतशिवारात केळी पिकाचे मोठं नुकसान झाले आहे. गारपिटीमूळे तोडणीवर आलेल्या केळी पिकाला (Banana Crop) जबर मार बसला. तर पावसासह वाऱ्यामूळे केळी झाड अक्षरशः जमिनीवर कोसळले आहे. तर काही भागात केळी पिक भुईसपाट झाले आहे.
या भागात गेल्या काही दिवसांत अवकाळीचा तिसऱ्यांदा केळी पिकाला तडाका बसला आहे. दरम्यान संबंधित शेतकऱ्यांच्या झालेल्या नुकसानीचे तातडीने पंचनामे करून शासनाने नुकसान भरपाई द्यावी; अशी मागणी (farmer) शेतकऱ्यांकडून होत आहे. केळीच्या लदबदलेली फळबागा जोराच्या वाऱ्यामुळे पूर्णतः भुईसपाट झाल्याचे दिसत आहे. पावसासह गारपिटीची तीव्रता इतकी होती की अनेक केळीचे झाडे उन्मळून पडले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.