सागर निकवाडे

नंदुरबार : नंदुरबार जिल्ह्यात बागायतदार शेतकऱ्यांकडून मान्सूनपूर्व कापूस लागवडीची लागवड सुरू झाली असली तरी मजुरांच्या कमतरतेमुळे (Cotton) कापूस लागवडीवर परिणाम होत आहे. यामुळे आता शेतकऱ्यांनी (Farmer) टोचन मशीनद्वारा कापूस लागवडीला प्राधान्य दिले असून एका मजुराच्या साह्याने दिवसभरात पाच एकर कापसाचे लागवड करता येत असते. यामुळे मजुरीचा खर्च तसेच बियाण्याचाही खर्च वाचण्यास मदत होत आहे. जमिनीत योग्य खोलीवर आणि योग्य अंतरावर लागवड होत (Nandurbar) असल्याने उगवण क्षमता ही चांगले असल्याचे दिसून आले आहे. (Tajya Batmya)

नंदुरबार जिल्ह्यात यावर्षी एक लाख ४० हजार हेक्टरपेक्षा अधिक क्षेत्रावर कापूस लागवडीची शक्यता आहे. मात्र मजूर त्यांच्यामुळे कापूस लागवडीसाठी शेतकऱ्यांसमोर मोठी समस्या उभी राहिली होती. शेतकऱ्यांनी मार्ग काढत कृषी विज्ञान केंद्राचा मार्गदर्शनाखाली हरभरा आणि मका लागवडीसाठी असलेल्या टोचन यंत्राचा साह्याने कापूस लागवड सुरू केली असून यातून कमी बियाण्यात आणि समान अंतरावर कापसाची लागवड होत असल्याने शेतकऱ्यांना मजूर टंचाई दिलासा मिळाला आहे. या मशीनच्या सहाय्याने कापूस लागवड केल्यास मजुरीच्या पैशात आणि बियाण्याच्या पैशातही बचत होत असल्याचे शेतकरी सांगतात.

कृषी विज्ञान केंद्राच्या वतीने कापूस लागवडीचे प्रात्यक्षिक केल्यानंतर या मशीनद्वारे कापूस लागवडीचा सल्ला शेतकऱ्यांना देण्यात आला. त्यानुसार शेतकऱ्यांनी या मशीनचा उपयोग केला असून यातून शेतकऱ्यांना मोठ्या प्रमाणात फायदा होत आहे. मनुष्यबळ उपलब्ध नसतानाही वेळेत कापसाची लागवड पूर्ण होत असल्याने ते शेतकऱ्यांसाठी फायदेशीर ठरत आहे. बाजारात विविध कंपनीद्वारा मका आणि हरभरा लागवडीसाठी हे मशीन उपलब्ध होते. मात्र आता त्याचा वापर कापूस लागवडीसाठी देखील होत आहे.