संदिप भोसले
लातूर : सोयाबीनला यंदा पावसाचा फटका बसला आहे. शिवाय रोग पडल्यामुळे उत्पादनातही घाट झाली आहे. यात  सोयाबीनला (Soyabean Price) शासनाचा हमीभाव ४ हजार ६०० रूपये भाव आहे. मात्र प्रत्यक्षात ४ हजार २०० रुपये भाव मिळत असल्याने शेतकरी (Farmer) हताश झाला आहे. (Live Marathi News)

सोयाबीनचा ग्रीन बेल्ट म्हणून ओळख असलेल्या लातूर (Latur) जिल्ह्यात यंदा सोयाबीन उत्पादनात ४० टक्यांपर्यंत घट येत आहे. त्यामुळे लागवड खर्चही निघत नसल्याने इथला शेतकरी मोठ्या अडचणीत सापडला आहे. तर शासनाच्या आयात निर्यातीच्या धोरणामुळे शेतकऱ्यांच्या सोयाबीनला तुटकुंजा भाव मिळतो आहे.  

सरकारची केली महाआरती 

यंदा सुरुवातीपासूनच लातूर जिल्ह्यात अत्यल्प पाऊस झाला. त्यामुळे इथल्या शेती पिकामध्ये ५० टक्केपर्यंत उत्पादनात घट येत आहे. साधा लागवड खर्चही निघत नसल्याने इथला शेतकरी अक्षरशः मेटाकुटीला आला आहे. लातूरच्या पानचिंचोली इथल्या संतप्त शेतकऱ्यांनी चक्क शेतात सोयाबीनच्या ढिगाऱ्यावरच सरकारची महाआरती केली.