Solapur News : मागील आठवड्यापासून कांद्याचे दर पडले (onion price drop) असून 2 रुपये ते 6 रुपये प्रतिकिलो सरासरी कांद्याला भाव मिळत आहे. कांद्याचे भाव पडल्याने कांदा उत्पादक शेतकऱ्यांच्या डोळ्यातून घळाघळा पाणी येत आहे. कांदा उत्पादनाचा खर्च देखील निघत नसल्याने शेतकरी आर्थिक अडचणीत सापडला आहे. (Maharashtra News)

राज्यातील दोन नंबरचे कांद्याचे मोठं मार्केट म्हणून सोलापूर (solapur) बाजार समितीची ओळख आहे. त्यामुळे लांबून शेतकरी वर्ग कांदा विक्रीसाठी सोलापूरला येतात. मात्र मागील आठवड्यापासून कांद्याला 2 रुपये ते 6 रुपये प्रतिकिलो सरासरी भाव मिळत आहे.

त्यामुळे शेतकऱ्यांना कांदा लागवडीचा खर्च देखील मिळत नाहीये. त्या उलट पदरचे पैसे घालून शेतकऱ्याला घरी परतावं लागत आहे. त्यामुळे कांद्याला हमीभाव देण्याची मागणी जोर धरत आहे. शेतक-यांना किमान 25 रुपये हमीभाव द्यावा अशी मागणी शेतकरी करु लागले आहेत.

Edited By : Siddharth Latkar